SBS ROHINGYA

Rohingya: The Uluru Statement from the Heart

Source: Jimmy Widders Hunt

Maí 2017, Aboriginal ar Torres Strait Islander ór wakil ókkol ye fuñwati aícce First Nations National Constitutional Convention ót Uluru úr dahé ar Uluru úr Dil óttu Boyan yan estamal goribolla. Boyan yan ekan zoriya bonibar rasta boínyé Aboriginal ar Torres Strait Islander ór manúic oré Australia ar kanun ót gosibola,cundur gori tin nan jinis thik goribolla,Abas,Wada ar soccaí.Duí bosor moswara goribadé ar 13 wan Aboriginal ar Torres Strait Islander ór Regional Dialog goribadé 250 zon Indigenous yé mani loyé.Yan yé saddekí talukat banai bolla Indigenous manúic ar Australia ár manúic loí soccaí,insaf ar nizor razi mutabek yé ettefak oí aibolla,razagri re ficca noraki .Musik Frank Yamma yé.

Añara,2017 ót National Constitutional Convention ót dola oí, añara aíccidé har ekan zagat uttor saíd ór asman óttu,boyan yan añara dil óttu tai banaídde.Añarar Aboriginal ar Torres Strait Islander ór kaum oíldeki foíla razagori goijjede kaum Australia ár zomin ót ar ate hañsé asede diya  ókkol ót añarar nizor kanun ar rosom ór mutabek yé.Iin oildeki jinis ókkol añarar murobbi buzorgo ókkol gori aíccede,añarar rosom or hisab óttu,óile oídeíki foida oida loti,añara kanun mutabek yé ‘monot rakede thaím óttu’’ ar Sains or mutabek yé 60,000 bosor agé.

Hokór hokumat iba oídeki rohani taalukat:    baafdada fordada  talukat zomin yan loí, kudrat ór alom loí ar indigenous manúic zin eçe foida oíye,yan o baza asé,ar akhir ót maze eik din hamaka zaga yan  añara bafdada fordada loí dola wapes oíbo.Rabeta iba oildeki meçi yir malek,ya behtor hokór hokumat.iba hone din eri node ya buzaí node ar hokumot  or hok loi ase fuñwati.Ar eikdilla kenggori oit faribo?Manúic iín ekan zomin ot 60 hazar bosor fan aíccil ar iíndila faki rabeta yan duniar tarik óttu azi giyoí bana 200 bosor ór agé?Kanun ór buniyadi re bodoli ar noya gori banaí,añara bicac gori furan zoman ar razgori yan borabor gori comki bo Australia ar manúic ekan oiyare tiyai bode yan olla boli.Añara oílam deíki sobsa bec kaum or butor ziyol maíjjede.Añara hono agé loti oíyide mujrim noí,iíndila node iíndila hisab loí añarar fuaín nizor guccittú alok gori diyé.Ar ocombok  añarar nojowan ókkol garat ót focer.Itarattú bona foítto deíki añarar samner zindi gor aca.Demension yan ót añarar mosola baabote  uzu uzu gori huwa zar.

Yan oiled ki to ziya añarattu zohon takot naí.Añara yan saídi ki kanun bodoli i bolla také añarar manúic takot asede yan ehsas gori faré fan añarar dec ot bala zaga ókkol ót tiyaí bolla.Añarattu takot taile añarar nosib ór ore añarar fuain gin kamiyab oíbo.Taara diyan duniat açi bo ar tarar rosom ekan hadia boni faribo tarar dec ólla .

Añara yan aros goridde ki Indeginous manúis ór abaz banai Kanun or butore hefazot gori rakibolla.Makarrata oíldeki añarar agenda ár sobse usol monzil :fuñwati ayon duk faí baadé.Eçe butore añarar huwais arzoo  asé ekan ho har soicca talukat ó fan Australia ár manúic loí ar behtor mustakbil añarar fuaín dolla insaf ar nizor razi mutabek yé.

Añara saídeki Makarrata Commission ekan wujud goribolla sorkar loí ar indeginous manúic loí  razi nama poroses oibodé iín ore nozor rakibolla ar añarar tarik  or baabote kissa buzai bode iín or ore yo nozor rakibolla.1967 ót añarare yo gona giyé,2017 ót añara saídeki añarare funi bolla.Añara nizor zagar kem cuçi ar agagura dec ór butore  sofor gora curu gori.Añara onararé dawot dir añarar fuñwati Australia ar manúic ór mamalat camil oíbolla behtor mustakbil  olla.

 

Aro maalumat lailé zai so Uluru Dialogue websaíth www.ulurustatement.org  ya email goro  Indigenous Law Centre, UNSW ót eçe ilc@unsw.edu.au

SBS yé Uluru Boyan dil  ottú 63 zuban ót banaí raíkke necional biasana iín gorat taíbolla majmuk cómaj ór fuñwati tarar nizor zuban not.

Coming up next

# TITLE RELEASED TIME MORE
Rohingya: The Uluru Statement from the Heart 04/11/2020 06:38 ...
''If the earthquake last for 2 minutes may be we are gone'' Says one of the Rohingyan who experiences recent earthquake 30/09/2021 11:27 ...
Choosing the right home loan 30/09/2021 09:32 ...
Longer waiting periods for Centrelink payments 24/09/2021 09:30 ...
New grouping aims to address health inequities highlighted by COVID 24/09/2021 06:36 ...
COVID-19 Update: Australian Capital Territory 20/09/2021 00:42 ...
COVID-19 Update: Australian Capital Territory 17/09/2021 00:39 ...
Do you know how Australian Rohingyan stay healthy and safe during COVID-19 16/09/2021 06:32 ...
Staying healthy during COVID-19 restrictions 16/09/2021 10:25 ...
COVID-19 Update: Australian Capital Territory 15/09/2021 00:31 ...
View More