Me e ko'i moni 'anga'anga na koe i Autereria nei, ka anoano ia koe kia aka'oki atu i tei kapiki ia e ko te tax return ki te Opati o te Tero. E kiriti na to'ou pu 'anga'anga i te tero no te au tutaki'anga moni katoatoa kia koe. Inara ka anoano ia rai koe no te reira aka'oki'anga tuatua ki te Opati no te Tero no e 2 tumu.
- Penei e au moni takake ta'au e rauka mai na (ei akara'anga te au tu'anga tei kapiki ia e ko te bank interests, shares, rent ma tetai au tutaki'anga kia koe)
- Ka rauka ia koe te keremu i tetai au akapou'anga no ta'au ngai 'angaanga moni
I tetai au 'ati'anga, penei ka tutaki aka'ou atu koe i tetai au tero takake, e i roto i tetai au tu, ka 'oki mai tetai moni kia koe.
E akamata na ki ra 1 o te marama Tiurai e tae atu ei ki te ra 30 no Tiunu i te mataiti ki mua te akako'u'anga i te tuatau no tei kapiki ia e ko te tax return. Ko te ra 31 no Okotopa te akakena'anga tuatau i te 'aka'oki'anga tuatua ki te Opati o te Tero no runga i teia akano'ono'o'anga. Ko te ravenga ngoie e te viviki no te rave'anga i ta'au uaorai 'aka'oki'anga tuatua ki te Opati o te Tero, ko te ta'anga'anga anga i tei kapiki ia e ko te myTax. Ka anoano ia koe kia rauka tetai i tei kapiki ia e ko te tika'anga myGov account, tei akapiri ia ki te ATO no te rave i teia ki runga i tei kapiki ia e ko te online.
Source: Flickr
Ka rauka ia koe i te 'aka'oki i taau tuatua no te tero koia te tax return ki te Opati o te Tero ki ko nei i te myTax HERE.
Ka anoano ia ai nei koe i te 'aka'oki atu i tei kapiki ia e ko te tax return?
No te ma'ata'anga o te tangata, ka anoano ia ratou i te 'aka'oki atu i te au akakitekite'anga ki te Opati o te Tero no tei kapiki ia e ko te tax return i te au mataiti rava rai. Ka rauka ia koe te akara me ka anoano ia koe i te rave i teia no teia mataiti 2017 na roto i te taomi'anga ki teia nga kupu tuatua Work out na roto i ta te ATO 'akano'ono'o'anga no teia ki ko nei i teia kupu tuatua HERE. Mei te mea e e Ae te pa'u'anga, ka rauka ia koe te tuku atu i te reira akakite'anga ki te teia ngai online inara kia akama'ara e no teia kia tupu, ka anoano koe i tetai turanga tei kapiki ia e ko te myGov account tei akapiri ia ki te Opati o te Tero.
'Aka'oki'anga atu i taau tuatua o te tero no te taime mua
Mei te mea ko te taime mua teia ta'au ka 'aka'oki atu i te tuatua no te tero ki te Opati o te Tero, teia tetai au akamarama'anga pu'apinga.
Me ka anoano koe i te tauturu no te reo Engareti, ka rauka ia koe te ringi atu i te Translating and Interpreting Service (TIS) ki runga i te numero tereponi 13 14 50.
- Ka anoano ai nei koe i te 'aka'oki atu i tei kapiki ia e ko te tax return?
Me kua kiriti ia na te tero mei roto i tetai ua atu moni tei rauka ia koe i roto i te mataiti moni koia te financial year, ka anoano ia koe i te 'aka'oki atu i te akakite'anga tuatua ki te Opati o te Tero no te reira, mari ua no tetai au kopae ke anga no te reira.
- Akape'ea te rave'anga i tei kapiki ia e ko te tax return
Na runga i te atui roro uira te ravenga ngoie e te viviki rava atu no teia.
Akamata na roto i te pa'u'anga i tetai au ui'anga no runga i ta'au moni i rauka mai e te au akapou'anga no te matiti 2016-17 na roto i te pa'u'anga i te aui'anga i ko nei questionnaire te rauka ngoie ua na i te kite ia i te openga o te mataiti moni. Kia tau ki ta'au au pa'u'anga te rauka anga mai te tauturu tau no'ou - te myTax (no te au tangata e ngoie ma te kare e ma'ata te manamanata no ta raou au tero) e me kare ra ko te e-tax (mei te mea e ra'i manako to'ou turanga no te tero).
Mei te mea ko to'ou taime mua teia no te 'akaoki'anga tuatua tei kapiki ia e ko te tax return ki te Opati o te Tero, e au taka'inga tetai ta'au ka anoano ia kia aru
1. Ka inangaro ia toou Numero no te Tero koia te tax file number (TFN) ma tetai o teia au akataka'anga: toou peapa no te anau anga ia mai koia te birth certificate, puka no te teretere'anga na tetai au basileia koia te passport me kare ra te peapa no te 'au basileia tei kapiki ia e ko te citizenship certificate.
2. 'Anga i tetai akano'ono'o'anga tei kapiki ia e ko te myGov account.
3. Ringi atu i te numero 13 28 61 e oti taomi atu i te numero 5 kia rauka mai ei to'ou numero akapiri'anga ki taau account. Ka 'ope te reira numero i muri ake i te 24 'ora.
4. Tomo atu ki roto i ta'au akano'ono'o'anga myGov, e oti aere atu ki te kapi no tei kapiki ia e ko te Services page ma te akapiri atu i te ATO ki ta'au akano'ono'o'anga no te reira. 'Iki i te ‘I have a linking code’ ma te aru atu i te au akakitekite'anga.
5. Kua papa koe i teia nei no te ta'anga'anga i te atui roro uira a te ATO e no te akamata i taau tax return na roto i tei kapiki ia e ko te myTax.
Tetai au ravenga no te 'aka'oki anga atu i ta'au tax return
- na roto i tei kapiki ia e ko te tax agent
- Te turanga peapa tei kapiki ia e ko te paper tax return
- Tax Help - Tauturu no te Tero
A'ea te au 'aka'oki'anga tuatua ki te Opati o te Tero e 'ope ei"
Me na'au rai e akate'ate'amamao ma te 'aka'oki atu i ta'au uaorai tax return, mei te ra 1 o Tiurai ki te ra 31 o Okotopa te reira e anoano ia ai kia akaoti ia.
E anoano ai nei to'ou kia tauturu ia?
Akara katoa atu ki teia au akataka'anga
- Akape'ea te pati'anga atu i tetai Numero no te Tero koia te tax file number (TFN)
- E'aa te ka tau kia keremu ia koia te claim?
- Te au moni e rauka mai na te ka anoano ia kia akakite ia, koia oki ta'au ka declare
Au 'aka'oki'anga no te au mataiti i topa ki muri
Mei te mea e ka anoano ia koe i te 'aka'oki atu i te au akakitekite'anga tei kapiki ia e ko te tax return no tetai mataiti i topa ki muri koia te previous year, e mea pu'apinga ma'ata kia rave viviki koe i te reira ei ravenga i te akaiti mai i te turanga tei kapiki ia e ko te penalty. E 3 au tu'anga ta'au ka rauka i te rave:
- Na roto i tetai tangata tei kapiki ia e ko te tax agent
- Te 'aka'oki'anga peapa koia te paper tax return (ka rauka ia koe te pati atu i tetai 'aka'oki'anga peapa ma te au akamarama'anga no te au mataiti i topa ki muri na runga i te atui roro uira koia te online me kare ra i te ringi'anga atu i te numero tereponi 1300 720 092).
- 'Aka'oki'anga na runga i te atui roro uira ki teia akataka'anga: online
Tax return Source: Pixabay