Pinangungunahan ni James Harden ng Houston Rockets, kasalukuyang MVP ng NBA, anim na iba pang 2019 NBA All-Stars ang namumuno sa koponan kasama sina Bradley Beal (Washington Wizards), Anthony Davis (New Orleans Pelicans), Damian Lillard (Portland Trail Blazers), Kyle Lowry (Toronto Raptors), Khris Middleton (Milwaukee Bucks) at Kemba Walker (Charlotte Hornets).
Dalawa sa pinaka-mainit na bataang bituin na sina Donovan Mitchell (Utah Jazz) at Jayson Tatum (Boston Celtics) ay maglalaro rin sa training camp sa Las Vegas mula 05 hanggang 09 August.
20 Manlalaro para sa USA Basketball 2019 Men’s National Team Training Camp
Ang punong coach na si Gregg Popovich (San Antonio Spurs) ay tutulungan nina Steve Kerr (Golden State Warriors), Lloyd Pierce (Atlanta Hawks) at Jay Wright (Villanova University) .
Source: SBS Filipino
Ang USA team ay darating sa Melbourne sa ika-19 ng Agosto para makaharap ang Australian Boomers sa tinatayang mahigit na 110,000 fans taga-hanga sa dalawang malaking laro sa Marvel Stadium sa ika-22 at -24 ng Agosto. Ang all-star team ay makakaharap ang Canada Basketball sa Sydney sa ika-26 ng Agosto.
“It will be an amazing experience. I think it will be a lot of fun,” pahayag ni Popovich, na coach ng US men’s national team mula pa noong 2015. “Having a few of these game ahead of time is of paramount importance for our preparation."
Sa Australia Boomers, sinabi ni Popovich: “They’re well-disciplined, they’re talented, they are seasoned, they have an excellent opportunity to be very,very successful. They can win this easily as anybody.”
Si Ben Simmons ay mangunguna para sa Australian Boomers’ 17-man training camp squad, na ipinangalan noong nakaraang buwan at tampok ang siyam na manlalaro ng NBA. Ang pinal na koponan na bubuuin ng 12 ay pipiliin pagkatapos ng training camp sa Agosto..
Si Simmons (Philadelphia) ay sasamahan ng mga iba pang kapwa manlalaro sa NBA — ang kanyang kakampi na si Jonah Bolden, Joe Ingles (Utah Jazz), Matthew Dellavedova at Deng Adel (Cleveland Dellavedova), Aron Baynes (Boston Celtics), Andrew Bogut (Golden State Warriors), at Mitch Creek (Minnesota Timberwolves). Point Guard Patty Mills ay maglalaro laban sa kanyang mentor na si Popovich.
“Patty (Mills) is one of their primary players. He does a very good job for us as well as for them.”
Tampok din sa Boomers ang walo pang manlalaro ng NBL kasama sina Nathan Sobey, Mitch McCarron, Nick Kay, Chris Goulding, at Todd Blanchfield. Sina Jock Landale at Brock Motum na naglalaro para sa Yoropa ang bumubuo pa ng 17- miyembrong koponan.
Source: Supplied by TEG Live
Di-pinalad na makapaglaro si Danté Exum( Utah Jazz) dahil sa pilay, at di-pinayagan ng Detroit Pistons si Thon Maker na mag-laro para sa Australya.
Ang World Cup ay gaganapin sa Tsina mula ika-31 ng Agosto hanggang ika-15 ng September. Ang Boomers ay nasa Group H, na tampok din ang Canada, Lithuania, at Senegal. Ang Estados Unidos ay makakaharap sa Group E ang Turkey, Czech Republic and Japan. Ang Pilipinas ay ka-grupo ang Angola, Italya at Serbia.
Share
