Ang Australya ay magbibigay ng halos $1 milyon para sa pagkain at suplay para tulungan ang mahigit na 320,000 katao na lumikas dahil sa hidwaan sa siyudad ng Marawi sa katimugang Pilipinas, iniulat ng AAP.
Ang salapi ay gagamitin para pambili ng mga tarpaulin, banig, kulambo at mga gamit pang-sanitasyon at pati na rin bigas at tubig.
Sinabi ng Ministro ng Ugnayang Panlabas Julie Bishop ngayong Martes, ang tulong ay bukod pa sa pakete ng suporta na inihayag niya noong siya ay dumalaw noong Marso
Sinabi ni Alinader Minalang, ang direktor ng kalusugan ng lalawigan ng Lanao del Sur, na kabilang ang Marawi, mayroong 300 kaso ng diarrhoea na naitala sa halos 40,000 katao na nagsisiksikan sa mga emergency shelter na itinayo sa mga community hall, gymnasium at paaralan ng mga Muslim, ayon sa ulat ng Reuters.
