- Kaso ng COVID-19 sa NSW, patuloy ang pagtaas
- Mga tinamaan ng coronavirus sa Victoria, karamihan ay kabataan
- COVID-19 response workforce, pinalawig sa ACT
- Hotel quarantine program sa Queensland, itinigil muna
New South Wales
Nagtala ng 919 na panibagong kaso ng coronavirus ang New South Wales, 37 sa mga ito ay nasa komunidad habang nakakahawa. Dalawa ang naiulat na namatay.
Binabantayan pa din ang mga lugar ng Guildford, Auburn, Merrylands, Greystanes, Granville, Punchbowl, Yagoona at Blacktown, kung saan marami pa ding mga naitalang kaso.
Samantala, pinag-iingat ang mga residente ng Bateau Bay, Toukley at Merimbula matapos may makitang traces ng virus sa sewage treatment plants nito.
Ayon kay Chief Health Officer Kerry Chant, umabot na sa 113 cases ang nasa intensive care at 98 sa mga ito ay hindi bakunado.
Victoria
Nagtala ng 45 na panibagong kaso ang estado, 28 sa mga ito ay nasa komunidad habang nakakahawa.
Ayon kay Health Minister Martin Foley, 30 sa 538 na aktibong kaso ay nasa edad 30 pababa, at 114 sa mga tinamaan ng virus ang nasa edad siyam pababa.
Simula ngayon, pwede na magpa-book ng Pfizer vaccine ang mga nasa edad 16 at 17. Maaari na din mag-book para sa Pfizer o Astrazeneca vaccine ang mga nasa edad 18 hanggang 39. Samantala, Astrazeneca pa din ang ibibigay para sa mga nasa edad 60 pataas.
Australian Capital Territory
Nagtala ng 9 na panibagong kaso ang teritoryo at umabot na sa 176 ang kabuuang bilang ng mga aktibong kaso.
Sinabi ni Minister for Health Rachel Stephen-Smith, bibigyan na din nila ng induction at training ang mga estudyanteng nurse at midwives para makatulong sa pagbibigay ng bakuna kontra COVID-19. Ito ay paghahanda ng gobyerno para sa pagdating ng mas maraming supply ng bakuna sa teritoryo.
Quarantine, travel, testing clinics at pandemic disaster payment
Pinamamahalaan ng bawat estado at teritoryo ang mga kakailanganin para sa quarantine at testing:
Kung kinakailangan mong bumyahe sa ibang bansa, maaaring mag-apply ng exemption online. Para sa karagdagang impormasyon tungkol sa mga kundisyon sa pagbyahe sa labas ng bansa,. Click here Mayroong mga patakarang pansamantalang ipinapatupad para sa mga international flights, na regular na sinusuri ng gobyerno at ina-update Smart Traveller website.
- Balita at impormasyon na isinalin sa 63 wika sa sbs.com.au/coronavirus
- Mga alituntunin sa bawat estado at teritoryo: NSW, Victoria, Queensland, Western Australia, South Australia, Northern Territory, ACT, Tasmania.
- Impormasyon tungkol sa COVID-19 vaccine sa inyong sariling wika.
Mga testing clinic sa bawat estado at teritoryo:
Impormasyon kaugnay sa pandemic disaster payment sa bawat estado at teritoryo:
