Kung ikaw ay naninirahan sa NSW, Victoria, South Australia, Tasmania o ACT, kinakailangang i-adjust ng isang oras ang inyong mga orasan para sa pagsisimula ng daylight saving time.
Para sa mga maapektuhan ng pagbabago, nangangahulugang mababawasan ang kanilang pagtulog sa Linggo at mas mahabang araw hanggang sa pagtatapos ng daylight saving sa susunod na taon, sa Abril 3.
Huwag mag-alala kung mayroon kang smartphone o mga digital device dahil kusa na itong magbabago sa tamang oras. Kung mayroon kang analog na mga orasan, huwag kalimutang baguhin ang oras nito.
Samantala, hindi naman maaapektuhan ng pagbabago sa oras ang mga naninirahan sa Queensland, Northern Territory, at Western Australia sapagka't hindi sila sumusunod sa daylight saving time.
