Muling iniskoran ng WBO ang laban pagkatapos hilingin ng isang kagawaran ng pamahalaan ng Pilipinas na repasuhin ang 'Battle of Brisbane' noong ikalawa ng Huly, na nanalo ang Australyano sa di-inaasahang unanimous decision.
Nirepaso ng limang di-nakikilalang hurado ang laban at nabatid na nanalo si Horn sa una, ikalawa, ika-apat, ika-anim, ika-pito, ika-sampu at ika-labing-dalawang round, habang ang natitirang round ay pabor para kay Pacquiao.
Tatlo sa mga limang hurado ay kailangang magka-isa para madetermina kung sino ang nanalo bawat round.
Ang mga resultang iyon ay ipinaris sa iskor ng mga hurado sa laban na sina Waleksa Roldan, Chris Flores at Ramon Cerdan para mabatid ang percentrage agreement bawat round, na kung saan nanalo sil Horn sa iskor na 6-4.
Ang rounds 10 at 11 ay tinuring na pantay.
"Base sa pag-aanalisa, si Jeff Horn ang nagwagi sa laban," pahayag ng WBO.
Kahit pa man nagsagawa ng pagrerepaso, ang WBO ay walang kapangyarihan na bawiin ang belt ni Horn.
Hiniling ng Philippines Games and Amusements Board's (GAB) ang pagrerepaso base sa pagprotekta ng integridad ng boxing, at binanggit ang maaaring maling tawag ng mga referee at hurado.
Ang orihinal na laban ay may iskor na 117-111, 115-113 at 115-113 nina Roldan, Flores at Cerdan, na naka-iskor na sa daan-daang laban.
Si Roldan ang lubhang binatikos sa kanyang scorecard, subalit ang tatlo ay tumanggap ng suporta mula sa WBO pagkatapos ng kanilang pasya.
Sinabi ng pangulo ng WBO Francisco Valcarcel noong nakaraang linggo, hangad ng pagrerepaso na bigyan ang mga taga-hanga ng katiyakan hinggil sa kung sino ba talaga ang nanalo.
WBO REVIEW SCORES
Judge 1: Pacquiao 114-113
Judge 2: Draw 114-114
Judge 3: Horn 115-113
Judge 4: Horn 114-113
Judge 5: Horn 114-113
