Maglalaan ng halos $20 milyon ang pamahalaang Morrison sa susunod na apat na taon para sa mga "outreach activities" at "enhanced" visa processing upang hikayatin nag maraming migrante na manirahan malayo sa mga pangunahing lungsod.
Ang karagdagang budget, na inanunsyo sa Mid-Year Economic and Fiscal Outlook noong Lunes, ay gagamitin para makapagtayo ng Regional Migration Hub at pagpapalawig ng special migration programs para matulungan ang mga employer na makakuha ng mga skilled workers.
May isasantabi rin para sa "enhanced" visa processing para sa regional areas.
Online visa system funding
SISImulan din ang "design and initial procurement" ng bagong digital system, kung saan gagastos ang gobyerno ng higit $72.3 milyon.
Nauna nang inanunsyo ng gobyerno ang 10-taong proyekto, upang makahanap ng kumpanya na magnanais mag-invest para buuuin ang online system na maghahawak ng mga visa applications.
Tinutulan ito ng Labor at ng mga unyon sa dahilang ang hakbang na ito ay magdudulot ng kawalan ng maraming trabaho at banta sa seguridad sa pagsusuri ng mga aplikasyon.
“The systems will improve visa decision making by departmental staff and allow for the better identification of risks in the visa caseload.”
