Pangangalaga sa orihinal na Aborihinal na sining at musika

Kamakailan lamang may mga panawagan para ipagbawal ang pag-angkat ng mga hindi orihinal na sining-Aborihinal papasok ng Australya kung saan isang bagong panukalang batas ang nakatakdang ihain sa parlamento na layuning gawing iligal ang pagbebenta ng mga pekeng Aborihinal na sining. At kumikilos ang mga miyembro ng mga taong Aborihinal, lalo na ang mga alagad ng sining upang mapanatiling buhay ang katutubong sining at musika.

Lisa Lawrence posing with the Aboriginal arts that some of the members of their Aboriginal people had made Source: SBS Filipino/A. Violata

Kinausap nating ang isang Aborihinal na alagad ng sining mula sa Koomurri Tribal Dance tungkol sa kung paano nakaka-apekto ang pagbebenta ng mga pekeng Aborihinal na sining sa mga lokal na orihinal na sining na gawa ng mga Aborihinal at kung ano ang kanilang ginagawa upang mapangalagaan at maitaguyod ang tunay na Aborihinal na sining.

 

Paminsan-minsan, si David Barnett ay tumutugtog ng musika gamit ang didgeridoo - isang instrumento na hinihipan na binuo ng mga katutubong Australyano ng hilagang Australya na maaaring nas 1,500 taon na ang nakalipas, - upang subukang itaguyod ang Aborihinal na musika sa isa sa pinakatanyag na puntahan ng mga turista sa Sydney.

Koommurri Tribal Dance (SBS Filipino/A. Violata) Source: SBS Filipino/A. Violata

Habang si Lisa Lawrence, kapatid ni David, ay nagtitinda ng mga orihinal na Aborihinal an sining na gawa ng ilan sa mga alagad ng sining na miyembro ng kanilang mga tao, kasama ang kanyang kapatid na si David.

Aboriginal Art (SBS Filipino/A.Violata) Source: SBS Filipino/A. Violata