Settlement Guide: 5 sagot sa mga alalahanin sa pribisiya ng sensus

Sa loob ng mahigit 100 taon, ibinahagi ng mga Australyano ang mga hindi kilalang personal na impormasyon sa Australian Bureau of Statistics (ABS), upang makatulong sa mga taga-gawa ng mga polisa na magplano para sa kinabukasan ng bansa. Ang hindi pagkaka-kilanlan ng mga sumasagot ay nakatakdang magbago sa sensus sa ika-siyam ng Agosto kung saan ginagawa ng ABS na sapilitan para sa mga tao na isama ang kanilang mga pangalan at tirahan. Narito ang ilang sagot sa mga alalahanin sa pribisiya.

Source: Pixabay/Public Domain

1. Protektado ng mga batas ang pribisiya ng inyong mga impormasyon

Sa ilalim ng Census and Statistics Act 1905 ang personal na impormasyon na inyong ibinibigay sa sensus ay nananatiling mahigpit na kumpidensyal sa ABS. Hindi kailanman man inilabas o ilalabas ng ABS ang mga makikilalang data ng sensus.

Source: Getty Images

2. Sisirain ng ABS ang mga pangalan at mga tirahan kapag wala na itong anumang pakinabang para sa komunidad sa kanilang pagpapanatili o apat na taon matapos ang pangangalap.

Tinitiyak ng ABS at palagi nitong tinitiyak na sapat ang pangangalaga upang mabantayan ang pribisiya at pagiging kumpidensyal ng mga impormasyon na kinokolekta nito sa sensus, kasama ang mga pangalan at mga tirahan.

Woman holding heap of shredded paper, close-up of hands Source: AAP

3. Ang ABS ay may ligal na tungkulin na panatilihing ligtas ang mga data at tiyakin na hindi nito ilalabas ang mga makikilalang impormasyon tungkol sa isang tao, sambahayan o negosyo

Ang paraan ng seguridad na ipinapatupad ay hiwalay na sinusubok at pinag-aaralan upang matiyak na ang inyong mga personal na impormasyon ay ligtas. Kabilang sa mga pangunahing pag-iingat ang matinding encryption ng data, limitadong akses base sa pangangailang malaman at pagsubaybay sa lahat ng kawani, kabilang ang regular na pag-awdit.

Source: Pixabay/Public Domain

4. Matapos ang pangangalap ng mga data at pagproseso, aalisin ng ABS ang mga pangalan at mga tirahan mula sa ibang mga personal at pang-buong pamilyang mga impormasyon

Ang mga pangalan at mga address ay ligtas na itatago at ihihiwalay mula sa isa't isa. Walang sinuman sa mga nagta-trabaho sa census data ang maaaring makakita ng inyong personal na impormasyon (pangalan at tirahan) sa parehong oras sa inyong ibang tugon sa sensus (tulad ng edad, kasarian, at trabaho, at antas ng edukasyon o kita).

Rotary file Source: Ragnar Schumck/Getty Images

5. Itatago ng hiwalay at ligtas, ang mga pangalan ng mga indibidwal ay papalitan din ng isang linkage key, isang computer generated code, na kumpletong hindi magpapakilala ng personal na impormasyon

Tanging ang mga hindi kilalang linkage key na ito ang gagamitin ng ABS upang pagsama-samahin ang mga data. Ang kasanayang ito ay kilala bilang prinsipyo ng Functional Separation.

Source: Pixabay (Public Domain)

Ipinapaliwanag ng Census Privacy Policy kung paano ang mga personal na impormasyon na inyong ibinibigay sa ABS bilang bahagi ng 2016 census ay tinitipon, ginagamit at ibinabahagi.

Para sa dagdag na impormasyon, bisitahin ang website ng Australian Bureau of Statistics.

Upang humiling ng papel na form, tumawag sa 1300 214 531.

Kung kailangan ninyo ng tagapagsalin, tumawag sa 13 14 50.