Basahing mabuti ang inyong kasunduan ng pangungupahan o residential tenancy agreement
Ang residential tenancy agreement, na kilala din bilang kasunduan ng pag-upa, ay isang ligal na dokumento. Kabilang dito ang mga termino tulad ng halaga ng upa na kailangan ninyong bayaran at kung paano ito babayaran. Ang haba at uri ng pangungupahan, ang halaga ng bond na kailangan at iba pang kondisyon at mga tuntunin. Ganunpaman, huwag na huwag kayong pipirma sa anumang dokumento na hindi ninyo nauunawaan.
rental agreement form Source: Getty Images
Bayaran ang inyong garantiya (bond)
Ang inyong garantiya o bond ay isang hiwalay na bayad mula sa inyong upa. Ito ay bilang garantiya para sa inyong landlord o nagpapa-upa kung hindi ninyo matutugunan ang mga tuntunin ng inyong kasunduan ng pag-upa. Halimbawa sa Victoria, ang bond ay binabayaran sa Residential Tenancies Bond Authority kung saan ito ay kanilang pinanghahawakan hanggang sa katapusan ng inyong kasunduan ng pag-upa.
Scattered Australian Cash Source: Getty Images
Sagutan ang isang ulat ng kondisyon ng inyong bahay na inyong uupahan
Kapag kayo ay lilipat sa inyong uupahang lugar, sagutan ang isang ulat ng kondisyon ng lugar na inyong uupahan, ilista ang pangkalahatang kondisyon ng lugar o bahay, kasama ang kasangkapan at mga nakakabit na gamit at ibalik ito sa real estate agent o sa landlord sa loob ng pitong araw. Kailangang magkasundo kayo at ang nagpapa-upa sa nilalaman ng ulat ng kondisyon ng inyong inuupahan bago kayo pumirma.
Source: AAP/Tracey Nearmy
Itago ang lahat ng kopya ng inyong mga kasunduan at mga pinirmahang dokumento
Ipinapayo na magtago kayo ng kopya ng inyong kasunduan ng pag-upa (residential tenancy agreement), ulat ng kondisyon (condition report), mga resibo sa inyong mga bayad ng upa at bond, mga sulat, email at anumang nakasulat na dokumento.
Searching In File Cabinet Source: Getty Images
Alamin ang inyong mga karapatan at tungkulin
Halimbawa sa NSW, kayo ay may karapatan na tutulan ang pagtaas sa upa o ireklamo ang inyong landlord na naging pabaya sa pag-mintina ng bahay o lugar, sa pamamagitan ng NSW Civil and Administrative Tribunal.
Source: AAP/Julian Smith
Ang mga kaalaman, mga bidyo at iba pang impormasyon tungkol sa mga karapatan at tungkulin ng mga umuupa ay mayroong umiiral sa bawat estado at teritoryo sa iba't ibang wika.
