Sa tlala kahapon, umabot sa 239 ang kaso ng COVID-19 sa New South Wales at 2 katao pa ang binawian ng buhay. Dahil sa pagtaas ng mga kaso napilitan ang awtoridad ng New South Wales authorities na humingi ng suporta mula sa Australian Defence Force (ADF).
Highlights
- Napilitan ang New South Wales na lalo pang higpitan ang mga restrictions sa 8 distrito
- Ang mga residente sa 8 LGA ay kailangang magsuot ng facemask sa lahat ng lugar sa labas ng kanilang bahay at dapat na manatili lamang sa loob ng 5 limang kilometro sa palibot ng kanilang tahanan.
- 300 tauhan ng Australian Defence Force ang hiniling ng NSW para tumulong sa pagpapatupad ng restrictions.
Ipapatupad ang karagdagang paghihigpit sa Blacktown, Campbelltown, Canterbury-Bankstown, Cumberland, Fairfield, Georges River, Liverpool at Parramatta.
Sa naitalang mga bagong kaso, 113 sa mga ito ay naka-link sa kilalang kaso o cluster, kung saan 88 ay mga household contacts at 25 ay mga close contacts habang habang inaalam pa kung paano nahawaan ang natitirang 126.
Makinig sa SBS Filipino 10 -11 ng umaga araw-araw.
I-Like at Follow sa Facebook
Share
