Kilalanin ang nanalo sa SBS National Languages Competition

Tinanghal bilang isa sa mga nanalo sa SBS National Languages Competition ang limang taong gulang na Pilipina na si Hanna Laan.

NLC category A winner Hana Laan with her winning entry. Source: Supplied

Inanunsyo ang mga nanalo sa SBS National Languages Competition sa isang kaganapan na kumikilala sa pag-aral ng wika sa buong Australya.

Ang kompetisyon na pinatakbo ng Radyo SBS ay nakatanggap ng halos 3600 entries mula sa mga nag-aaral ng wika mula sa mga magkaibang mga edad.

Ang limang taong gulang na Pilipina na si Hanna Laan ay ang nanalo sa kategorya A (edad 4-7).

Isinumite niya ang isang makulay na guhit ng kanyang lolo, lola at tiyo na si Justine.

(L-R) Jewel Pastor (Hanna's mum), Hanna Laan and SBS radio broadcaster Claudette Centeno-Calixto during the NLC awarding ceremony. Source: SBS Filipino

Ayon kay Hanna, ang pag-alam niya sa wika ay nakakatulong upang siya ay makipag-ugnay at makipag-usap sa kanila at paraan din upang maipahayag niya ang kanyang pagmamahal.

Nakatanggap si Hanna ng tropeo mula sa SBS at bagong iPad Pro.

Ang SBS National Languages Competition 2019 ay suportado ng Community Languages Australia at First Languages Australia at tinulungan ng Australian National University.