A Titas and Titos Guide To Social Media and Online Safety

Key Points

• Ayon kay Dr. Earvin Cabalquinto, nahuhubog ng audience at konteksto ang ating ipinapakitang sarili sa social media. Nagbahagi rin siya ng mga paalala sa responsableng paggamit nito.
• Hinamon ni Dr. Earvin Cabalquinto ang ideya ng “tunay na sarili” sa social media, na aniya'y naihuhubog ng audience at sitwasyon. Nagbahagi rin siya ng mga dapat isaalang-alang pagdating sa wastong paggamit ng social media.
• Nagbahagi si Maridel Martinez ng kanyang karanasan bilang migranteng dumating sa Australia noong 1999, bago pa naging karaniwan ang smartphones, at kung paano pinadali ng teknolohiya ang pakikipag-ugnayan sa pamilya. Tinalakay naman ni John Mark Desengaño ang mga hamon ng pagtulong sa matatandang kaanak na makasabay sa digital na teknolohiya.
• Binigyang-pansin din nila ang dumaraming nakatatandang Filipino-Australians na gumagamit ng livestreaming, online shopping, at smart-home devices, na sumasalungat sa pananaw na nahihirapan ang mga senior sa teknolohiya.
• Sa huling bahagi ng talakayan, tinalakay nila ang online safety, kung saan nagbahagi si Dr. Earvin Cabalquinto ng mga paraan upang maging mas ligtas sa digital na mundo, kabilang ang mas malaking pananagutan ng mga platform, edukasyon mula sa pamahalaan, at pagpapaunlad ng kritikal na pag-iisip sa komunidad.
• Nagbigay rin siya ng praktikal na payo tulad ng pagberipika ng kahina-hinalang mensahe sa pamamagitan ng video call at pag-aaral kung paano matukoy ang AI-generated na content upang maiwasan ang mga scam.
• Si Dr. Earvin Cabalquinto ay isang Australian Research Council (ARC) DECRA Research Fellow at Senior Lecturer sa School of Media, Film and Journalism ng Monash University. Nakatuon ang kanyang pananaliksik sa ugnayan ng digital media, migrasyon, at (im)mobility, kabilang ang papel ng teknolohiya sa buhay at karanasan ng mga migranteng komunidad.