SBS sa Wikang Filipino

Paano maging foster carer sa Australia

SBS sa Wikang Filipino

Experts say having a stable, safe, and nurturing home are the key to the recovery of these children, who have often been exposed to some form of trauma.

Experts say having a stable, safe, and nurturing home are the key to the recovery of these children, who have often been exposed to some form of trauma. Source: Pexels/ Kampus Production


Published 17 June 2022 at 12:32am
By Chiara Pazzano
Presented by Shiela Joy Labrador-Cubero
Source: SBS

Maraming dahilan kung bakit kinakailangang ilagay sa foster care ang mga bata. Karaniwang biktima sila ng karahasan sa loob ng tahanan, pagmamaltrato o kaya pinabayaan sila ng mga magulang. Ngayong panahon kulang ang bilang ng mga foster parents sa Australia, at may mga pagkakataon na kinakailangan ang mga partikular na cultural background.


Published 17 June 2022 at 12:32am
By Chiara Pazzano
Presented by Shiela Joy Labrador-Cubero
Source: SBS


Pakinggan ang audio

LISTEN TO
Becoming a foster carer in Australia image

Children go into foster care for many reasons. For example, there might be family violence in the home or a history of neglect or physical abuse. Currently, there is a shortage of foster parents in Australia, and in some cases, there is a need for people from a specific cultural background.

SBS Filipino

01/06/202209:42

Advertisement
Ang mga foster carers ay nagbibigay sa mga bata ng ligtas, matatag at mapag-mahal na pamilya  na mag-aalaga sa kanila ng ilang buwan, taon  o kaya buong buhay nila.

Ang inang  itatago natin sa pangalang Monica at asawa nito ay may tatlong inaalagaang bata, lahat sila ay mula sa isang magulang.


Highlights 

  • Foster carers kailangan sa Australia
  • Maraming uri ng foster care ang maaaring pagpilian mula long-term hanggang respite term
  • Ang mga interesado maaaring makipag-ugnay sa lokal foster care agency sa inyong lugar

" Kami ng asawa ko ay na-approve para sa 3 mga bata, na may edad 0 hanggang 10 taong gulang. May nursing background kasi ako kaya iniisip nila makapagbigay ako ng suporta sa mga bata."

Ayon kay Renée Carter ang Chief Executive Officer ng Adopt Change. Kulang sila ng mga foster parents dito sa Australia.

"Sa buong Australia umaabot sa 46,000 na mga bata ang tinatawag na 'out of home care' kaya inaalagaan sila ng gobyerno  kaya  gumagawa ng programa ang gobyerno para sa foster care, kinship care, bago sila makahanap ng pamilya na mag-aalaga sa kanila."

Sabi pa nito may mga pagkakataon pang nangangailangan sila ng mga foster parents mula sa isang partikular na cultural background.

Foster carers give children and young people a safe, stable, and nurturing family environment for a few months, years or for the rest of their lives
Source: Pixabay/Pexels


Ayon kay Alanna Hughes, manager ng  Benevolent Society's out-of-home care program na nag-aalaga ng mga kabataan at kasalukuyang nagbibigay ng foster care placements sa buong Greater Sydney.

 Marami ang dahilan kung bakit kinakailangang ilagay sa pangangalaga ng iba o foster care ang mga bata.

"Maraming rason kung bakit nasa foster care ang mga bata, isa na dito may isyu sa kaligtasan sa loob ng kanilang tahanan. 

Maaari din may karahasan na nangyari  o namatay ang mga magulang, at walang mag-aalaga sa kanila."

Kwento ni Ms Carter ang pagkakaroon ng matiwasay, matatag at mapagmahal na tahanan ay ang susi para matulungang maka-recover ang mga bata mula sa naranasang trauma.

" Mahirap ang mga pinagdaanan ng mga batang ito. Kailangan nila ang pagmamahal ng pamilya, hayaan silang maging bata at huwag mag-isip ng problema kung ano ang kakainin at saan matutulog."

Dagdag ni Ms Hughes ang sinumang pamilya na  interesado na magiging foster carer ay maaaring pumili kung anong klaseng  foster carer sila pangmatagalan ba o hindi .

" Maraming pagpipiliang klase ng pagiging carer maaaring short term o long term.  Maaari ding adoption o guardianship."

Dapat tandaan bawat estado at teritoryo sa bansa ay maaaring may iba’t ibang batas at proseso na sinusunod para magiging foster carers.

Minsan kasi may pwedeng direkta sa mga ahensya ng gobyerno o foster care agency subalit may mga mahahalagang hakbang na dapat gawin.

Unang hakbang dapat makipag-ugnay sa lokal na ahensya para makakuha ng inisyal na impormasyon paano simulan ang proseso.

Foster carers give children and young people a safe, stable, and nurturing family environment for a few months, years or for the rest of their lives
Foster carers give children and young people a safe, stable, and nurturing family environment for a few months, years or for the rest of their lives Source: Pexels/ Karolina Grabowska


Sabi Ms Hughes dito sa NSW nakasalalay sa mga ahensya ang approval sa pagiging forster carer ng isang tao, at ang Department of Communities and Justice ang magbibigay ng approval kung tumugma ang pangangailangan at ng mga batang nais alagaan ng foster parents.

"Ang Department of Communities and Justice ang nagsasabi kung may mga bata silang kailangan ng carers at mismo sila ang tumatawag sa amin kung may  tugma baa sa pangangailangan ng mga bata.

Tapos kami na ang maghahanap sa aming profile ng mga carers, susunod ang proposal at pero hindi agad binibigay ang mga bata, dapat ang mga bata ay sasailalim muna sa among programa."

Subalit ang bawat aplikante na gustong maging foster parents ay dapat pumasa sa mga inisyal na requirements ng gobyerno.

" Kailangan Australian citizen o permanent resident. Dapat nasa 25 years old pataas ang edad at maayos  ang pangangatawan, may ekstrang kwarto para sa mga bata. Sasailalim ito sa criminal record check , kukuha din sila ng working with children check."

At kapag pumasa sa criteria at unang interview ang mga foster carers, isasailalim sila sa assessment process kung saan ang mismong ahensya na ang tumutukoy kung bagay ba sila na maging foster carers.

Dagdag paliwanag ni Ms Hughes sa karanasan ng marami ang mga batang nalagay sa short-term na foster care ay karaniwang humahantong na tuluyan ng alagaan ng panghabangbuhay ng kanilang mga foster parents.

" Kapag ang bata ay hinahanapan ng carer, ang korte ang magbibigay ng order kung short term o long term ang pag-aalaga ng carers. At pati kung anong pathway ang para sa mga bata, pero karaniwang long term ang ibinibigay."

Ang magandang kwento dito sabi  ni Ms Hughes ang ibang foster parents ay nagiging guardian o kaya tuluyan ng ampunin ang mga ito ang mga bata.

"Kung long term ang pag-aalaga sa mga bata at umabot na ito ng ilang taon, maaaring ipaabot ang interest para i-adopt o magiging guardian sa kanila."

Inamin ng inang si  Monica hindi naging madali  ang lahat sa simula lalo’t kailangan makibagay at may pagkakataon na hindi pa tiyak kung tuluyan mo ng mapanatili ang mga bata sa iyong tahanan.

" kailangan magulang ka na bukas ang pag-iisip na baka titira lang sila sayo hanggang 18 taong gulang sila. Subalit kung matagal na sila sayo mas mababa ang tsansa na ibabalik pa sila sa pamilya nila. Ngunit iba pa din ang nararamdaman kapag adopted sila."

Becoming a foster carer can be a very rewarding experience.
Becoming a foster carer can be a very rewarding experience. Source: Pexels/ Josh Willink


Dagdag nito sinusuportahan namqn sila ng ahensya para tulungan ang mga bata na mas madaling maghilum ang sugat ng nakaraan kasama ng kanilang bagong pamilya o foster parents.

" Karamihan sa mga bata namin dito ay biktima ng pang-aabuso o pinabayaan ng mga magulang. At kapag nagiging foster carer ka ikaw ang nagbibigay ng tahanan at ikaw ang pamilya nila. Tulungan sila para maghilum ang sugat ng nakaraan."

Kwento ni Ms Carter ang pagiging foster carer ay isang makabuluhang karanasanan dahil nakakatulong ka para bigyan ng pag-asa ang mga bata na muntik ng mawalan ng magandang buhay.

" Nakakataba ng puso kapag nakita mo ang batang ito na lumalaki at lubusan mo na silang nakikilala. At unti-unti mong nakikita ang mga potensyal nila at nangangarap ka din para sa kanila."

May mga pagkakataon naman na ang mga foster parents ay gusto pa din nilang ang mga batang kanilang itinuring na tunay na mga anak ay may koneksyon pa rin  sa tunay nitong pamilya.

Kung ikaw o kung may kakilala ka man na nangangailangn ng suporta tumawag sa Domestic Violence Line - 1800 656 463,  o Child Protection Helpline - 13 2111.


Share