Bilang ng permanenteng migrasyon ng Australia, maaaring tumaas para solusyunan ang kakulangan sa manggagawa

Healthcare workers with seniors in nursing home. Credit: Getty Images

Maaring itaas ang bilang ng pagkuha ng Australya ng permanent migration, aabot ng hanggang 200,000. Ito ay sa gitna ng matinding kakulangan sa manggagawa bunsod ng pandemya.

Patuloy na nahihirapan ang Australia na matugunan ang kakulangan ng manggagawa sa bansa.
Ang sektor ng aged care ay isa sa matinding naapektuhan ng pagsasara ng border dahil sa pandemya.
Sa Setyembre gagawin ng gobyerno ang Jobs and Skills Summit, isa sa pag-uusapan ang limit sa migrasyon.

Bago ang pandemya, ang bilang ng tinatanggap na migrante ay nalimitahan sa 190,000.

Bumaba ang bilang na iyon noong 2019 at nasa 160,000.