Ang Miguel and Friends ay isang kolaborasyon ng mga Pilipinong musikero na naka-base sa Melbourne. Kumakanta ng mga orihinal na komposisyon sa parehong Ingles at Pilipino, ito ay isang progresibong proyekto kung saan ang mga miyembro ay halos mga 'sessionista' sa musika ng Melbourne.
Sa acoustic guitar ay ang singer at manunulat ng kanta na si Miguel Valdivia, Sa base guitar at gumagawa ng karagdagang areglo ng mga kanta ay si Rolly radam, habang sa electric rhythm guitar at vocals ay si Donald Rey. Si Caloy Calpito naman ay siyang lead guitarist at si Christian "Tito" Uson sa drums at percussion.
Ang grupo ay kasalukuyang naghahanda para sa parating na launching sa 6 Oktubre sa pamamagitan ng isang paglalayag na tinawag na "Blues by the Bay". Magtatampok din ng iba pang mga Pilipinong musikero na naka-base sa Melbourne ang kaganapan.
Magiging pambihira ang palabas dahil ito ay magaganap sa loob ng isang barko habang naglalayag sa kadagatan.
Hinihikayat naman ng grupo ang komunidad Pilipino sa Asutralya na suportahan ang mga lokal na artista upang mas lalo pang maging matibay ang pamana ng OPM.
