Pagdating sa larangan ng palakasan, kilala ang Pilipinas sa mundo para sa “3 B’s” – basketball, billiards at bowling.
Ang dalawang atleta na maaaring maging matunog sa larangan ng bowling ay sina 17-taong gulang na si Bernie Grueso Jr at 12-taong gulang nai si Alethea Mata. Ang dalawa ay lalaban para sa President’s Junior Interstate Team ng Victoria.
Si Althea ang pinaka-bata sa Victoian team at makukumpleto na ni Bernie ang VCE niya nitong taon.
Kamakailan lamang, kasama ng kanilang grupo, nag-ensayo sina Althea at Bernie sa Oz Tenpin Bowling sa Chirnside Park para sa Australian Junior Championships (AJC). Doon din magaganap ang nasabing turnamento mula Abril 17 hanggang 27.
Ninanais ng dalawa na manatili ang trophy sa Victoria, at makita ang bowling bilang isang laro na nangangailangan ng stratehiya at mental preparation.
