Buhay ng mga migrante tampok sa National Library of Australia

Opisyal na magbubukas sa darating na weekend ang Hopes and Fears exhibition ng National Library of Australia na nakatuon sa istorya ng mga migrants dito sa Australya.

Hopes and Fears Australian Migration Stories ay matutunghayan sa National Library Australia, Canberra mula ika 26 ng Hulyo 2024 - 2 ng Pebrero 2025. Credit: National Library of Australia

Key Points

• Ilan sa mga tampok ay mga liham at musika na nilikha ng mga migrants, vintage posters at biography.
• Kasama ang katatangi-tanging migrant stories katulad ni Willam ‘Billy’ Blue na trinansport mula New York patungong Sydney noong 1801.
• Makikita din sa exhibition ang archival photos ng multicultural cafes at chefs na naghatid ng iba’t ibang cuisine dito sa Australya.

Sa ibang balita, Inumpisahan na ang konstruksyon ng Canberra’s Garden City Cycleway na isang bagong active transport route na babagtas mula sa suburbs ng Watson, Dickson, Ainslie at Braddon sa inner north patungo sa Civic o sentro ng Canberra.

Bukod sa city cycleway, pinaplano na rin ang renovation ng Canberra Theatre Centre, ang culture at performance hub ng kapitolyo.