"Coming to Dinner", ihahain ang kulturang Pilipino sa Sydney Fringe Festival 2018

Higit pa sa patatakamin ang mga manonood sa ilang paboritong pagkaing Pilipino na kanilang ihahain sa mesa, ang dula na "Coming to Dinner," ay siksik din ng mga sikreto na ibubunyag ng isang pamilyang Pilipino.

Coming to Dinner's cast (L-R) Martin Sta. Ana, Happy Feraren & Kim Shazell with Director Meili Bookluck and playwright Elaine Laforteza Source: SBS Filipino

Isang dula na pupukaw sa inyong pagka-mausisa, bubusugin kayo sa katatawan at mga lihim na ilalantad. Ito ang unang maikling dula na isinulat ng Pilipinong akademiko na si Elaine Laforteza na naka-sentro sa pamilya at kulturang Pilipino, tampok ang mga aktor na sina Martin Sta. Ana, Kim Shazell at Happy Feraren sa direksyon ni Meili Bookluck.

Cast of Coming to Dinner: (L-R) Martin Sta. Ana, Kim Shazell and Happy Feraren (SBS Filipino) Source: SBS Filipino

Ang "Coming to Dinner," ay kasama sa isang koleksyon ng walong hiwalay na maikling dula na sinulat at sa direksyon ng mga kababaihan na mula sa iba't ibang kultura na ipinagdiriwang ang mga hamon na kinaharap ng mga kababaihan kaugnay ng pagkakakilanlan at kasarinlan.

Handog ng Peach Productions bilang bahagi ng Sydney Fringe Festival 2018 nitong Setyembre, tampok ang "Coming to Dinner" sa mga kuwento ng mga Kababaihan sa Australya: Mga Kuwento ng Katapangan ("Women In Australia: Stories Of Courage").

(L-R) Coming to dinner author Elaine Laforteza, actors - Martin Sta. Ana, Happy Feraren, Kim Shazell, and Director Meili Bookluck (SBS Filipino) Source: SBS Filipino

Para sa ibang detalye tungkol sa "Coming to Dinner", bisitahin ang https://www.facebook.com/events/229033267753043/ o magtungo sa Sydney Fringe Festival.