Kung sa pasarapan din lamang ng fried rice hindi magpapahuli ang mga Chinese kung saan kilala ang chaofan, hindi lamang sa China maging sa buong mundo.
Kalimitang sangkap nito ang itlog,toyo at iba't-ibang gulay tulad ng green peas at corn kernels.
Gayon din ang Japan sa masarap nilang yakimeshi, at ang bokkeum-bap ng korea na may halong kimchi.
Meron din naman sa Pilipinas, ang pagsasangag kasi ay isang paraan ng mga Pinoy parang bigyang buhay o ng ibang lasa ang bahaw o kaning lamig. Mayroon naglalagay ng ibat-ibang klase ng gulay, itlog, maging hotdog at kung anong mga tirang putahe sa refrigerator.
Tampok sa kompetisyon ang kani-kaniyang bersyon ng fried rice na inihanda ng mga kalahok na mula sa iba't-ibang lahi. Source: U&I Global
Pasarapan ng sinangag
Tinatayang nasa 15 mga indibidwal mula sa Asya ang kanyang tinalo sa Asian Cooking competition na inorganisa ng U&I Global, isang education consultant agency na nag-oorganisa ng mga events para sa mga international students.
Sa kompetisyon ay nakalatag na ang mga sangkap tulad ng itlog, bacon, ham,red and green pepper,mushroom,mantika, toyo, oyster sauce paminta at iba pa.
Labing-anim na indibidwal mula sa Asya ang nagpasikatan sa pasarapan ng sinangag. Source: U&I Global
May lutong kanin na rin doon mula sa organiser, na siya nilang lahat gagamitin.Pero napasin ni Steve na hindi maganda ang pagkakasaing.
"Nag re-cook po kami ng rice kaming dalawa lang Pilipino kasing pagtingin ko na po sa rice hindi siya good."
Medyo nauna ng magluluto ang kanyang mga kalaban, habang siya ang nag iin-in pa ng sinaing.
Nang matiyak na luto ang kanin makalipas ang ilang minuto saka pa siya naggisa ng sibuyas at bawang, saka inilagay ang kanin sumunod ang mga sangkap at mga pampalasa. Tiniyak niyang balanse ang mga sangkap.
Lahat ng sangkap na gagamitin ay inihanda ng organiser para sa mga kasali sa kompetisyon. Source: U&I Global
Sikreto sa kanyang sinangag
Ayon kay Steve hilig talaga niya ang magluto noon pa kung saan isang siyang cook sa isang inter-island na barko sa Plipinas.
Wala naman daw talagang sikreto ang kanyang fried rice. Pinagkaiba nga lamang hilaw na kanin ang ginamit ng kanyang mga kalaban.Kumbaga tamang diskarte. Ayon sa kanyang guro na siyang naging hurado hindi hilaw at hindi rin naman sobra ang luto ng kanin kaya nagustuhan niya ito.
Naalala kasi niya ang bilin ng kanyang ina noon.
"Kung hindi mo pinaghirapan hindi maganda ang perang hahawakan mo."
Bagamat 300 dollars lang naman katumbas o nasa sampung libong piso ang halaga ng kanyang napanalunan napakalalaking bagay na nito pantustos sa kanyang pag-aaral.
Ang sinangag ni Steve ang itinanghal na panalo at siya ang nag-uwi ng $300 na papremyo. Source: U&I Global
Nagtatrabaho siya bilang cleaner sa isang grocery store, minsan hardinero, cleaner din sa mga bahay at mga establisimiento.
Simpleng luto, simpleng pangarap, simpleng papremyo. Nagsimulang mangarap sa Pilipinas at tatapusin niya Australia para sa pamilya.
