Dinepensahan ng gobyerno ang pagtaas ng presyo ng kuryente habang iskandalo ng PWC lalong lumalalim

Energy and Climate Change Minister Chris Bowen. Source: AAP / LUKAS COCH/AAPIMAGE

Kinumpirma ng Australian Energy Regulator ang paglobo ng presyo ng kuryente, pero sinabi ng gobyerno na sa pakikialam nito, napigilan nito ang pinakamalalang pagtaas sa singil. Ginisa rin ng Senate Estimates ang ilang opisyal ng gobyerno sa pagkakasiwalat ng isang dating empleyado ng PwC sa mga kumpidensyal na impormasyon sa buwis.

Nakatakdang tumaas ang singil sa kuryente ng hanggang $600 matapos na itakda ng energy regulator ang bagong limit sa presyo ng kuryente.
Mula Hulyo 1, maaaring asahan ng mga residential customer ang pagtaas ng presyo ng kuryente mula 19.6 porsyento hanggang 25 porsyento; maliliit na negosyo makakaranas ng pagtaas sa singil ng 14.7 % hanggang 29 %.
Binabantayan din ng gobyerno ang mga alegasyon na isang dating empleyado ng accounting firm na Price Waterhouse Coopers (PwC) na di-umano'y gumamit ng kumpidensyal na impormasyon ng Commonwealth para tulungan ang mga multinational tech companies na umiwas sa tax.