Inirekomenda ng bagong ulat ang tatlong araw bawat linggo na libreng pangangalaga sa bata

Playing at the childcare centre Source: Getty / Getty Images

Inirekomenda sa bagong ulat ng Centre for Policy Development ang tatlong araw kada linggo na libreng childcare para sa ilang mga pamilya habang kakaunting bayad naman para sa ibang pamilya. Katwiran sa ulat na ang childcare ay dapat tingnan katulad ng pampublikong edukasyon at medicare na libreng inaalok sa mga Australyano.

Isa ang Australia sa may pinakamahal na childcare fee sa mundo, nasa ika-26 na pwesto sa 32 bansa pagdating sa presyo ng childcare.
Suhistyon ngayon na dapat tatlong araw na libreng childcare kada linggo ang available para sa mga pamilyang may mababang sahod o may combined annual income na $80,000 o mas mababa pa.
Ang pagiging abot kaya ay nanatiling isang problema. Sa ulat ng ACCC nitong Enero, nalaman na kaunti lamang ang naitulong ng child care subsidy ng pamahalaang pederal sa mga pamilya simula ng Hulyo 2023 dahil sa mga mahal na bayad na pinatupad ng mga service providers.