Mas maraming Australian,nag-iingat na sa pagsagot sa telepono dahil sa tumataas na kaso ng scam: CBA Research

Dahil sa tumataas na pangamba sa mga lumalaganap na scam, isang research ang nagsasabi na 65% ng mga Australian ang mas nagiging maingat ngayon sa pagsagot ng mga tawag sa telepono lalo na mula sa mga di kilalang number.

Base sa pagsasaliksik ng Commonwealth Bank isa sa apat na Australians ang kino-contact ng mga scammer ng anim na beses sa isang linggo o higit pa.
Payo ni James Roberts ng Group Fraud Management Services ng CBA sa lahat huwag agad magbibigay ng anumang mahalagang impormasyon sa kausap at huwag magpadala sa pressure o pananakot ng mga ito.
Isang bagong security tool ang planong ilunsad ng bangko na susuri sa mga bagong transaksyon ng kanilang customer para matiyak na lehitimo ang pagpapasa ng pera at matutukoy ang detalye ng account na pinupuntahan ng pera.

Biktima ng scam at panloloko sa Australia mas dumami sa panahon ng pandemic