Isinailalim sa 3 day lockdown ang Greater Brisbane. Nadagdagan kasi ng apat kahapon (March 29) ang mga nagpositibo sa UK variant ng coronavirus. Kaya bawat estado sa bansa , isa isang nagpatupad ng paghihigpit ng mga borders .
New South Wales
Ang lahat ng darating mula Queensland ay kailangang kompletuhan ang self- declaration form.
Kung naka-bisita sa mga "close contact venue "gaya ng mga lugar na sakop ng Brisbane City Council at Moreton Bay Regional Council, haharangin ka at pababalikin sa Queensland.
Mga residente lang ng NSW ang pwedeng makakapasok sa estado.
Habang ang mga residente mula sa hotspot areas ay kailangang magpatest at magself-isolate.
Western australia
Hinigpitan din ang border ng WA simula kaninang madaling araw.
Ibig sabihin di papayagang makapasok ang mga bibyahe mula sa Queensland papuntang WA maliban na lang kung bibigyan ng exemption ng G2G pass.
At kung nakarating ka ng WA mula ika-27 ng Marso bago ang lockdown, kailangang mag-self isolate ng 14 days at magbigay ng negative test result .
Tasmania
Bnned ang lahat ng mula Queensland papasok sa Tasmania.
Deniklara ng gobyerno na high risk ang lahat ng arrivals mula sa Queensland.
Ang lahat ng nagbyahe mula queensland bago pa man ang lockdown ay inabisuhang mag isolate at tingnan ang posibleng sintomas ng COVID-19
South australia
Alas kwatro kahapon , sinimulang higpitan ng South Australia ang border nito .
Essential workers mula sa Queensland ang papayagang makapasok sa estado.
Pero kailangan nilang mag-isolate ng labing apat na araw at magpa-test kontra covid.
Northern territory
Bukas pa din ang border ng northern territory sa mga taga-Queensland
Pero pagtungtong nila sa NT kailangan mag-quarantine ng labing apat na araw
Ikaw din ang magbabayad ng hotel quarantine facility.
ACT
Dineklara ng ACT na corona hotspot ang Queensland.
Sinuman ang nagbyahe kailangang mag-isolate ng 14 days hanggang makakuha ng negtive result .
Victoria
Sa Victoria, dineklarang red zone ang Greater Brisbane simula 6:00pm kahapon
Sinumang bumyahe matapos ang bakasyon sa naturang lugar ay sasailalim sa self quarantine , makakapasok lang ang may permit .
Para sa karagdagang impormasyon bisitahin ang health website ng bawat estado.
