Mga Pinoy sa Melbourne, nagbalikatan para sa kalikasan

Ilang aktibidad para sa mga bata ang ginanap sa Kwentong Pinoy Filipino Family Festival sa Melbourne na may temang Balikatan para sa Kalikasan.

Kwentong Pinoy: Filipino Family Festival in Melbourne, Australia. Credit: Angelito VALDEZ Jr

Ang pagkanta ng 'Bahay Kubo' ng mga batang Filipino Australians ang isa sa naging tampok sa ginanap na Kwentong Pinoy Filipino Family Festival sa Melbourne.

Ang The Filipino Choir of St. Francis o Kiko Choir ang nanguna sa pagkanta at aktibidad kung saan pinahulaan sa mga bata ang mga gulay na kasama sa nasabing kanta at ano ito sa Tagalog at Ingles.

Kiko Choir sings 'Bahay Kubo' with children who attend the Kwentong Pinoy: Filipino Family Festival. Credit: Angelito VALDEZ Jr

Bukod dito, nagkaroon din ng book reading, puppet making, jewelry making at paggawa ng card para sa Fathers Day ang mga batang dumalo.

One of the Filipino Family Festival activities is creating a Filipino Father's Day card. Credit: Angelito VALDEZ Jr

Masaya sa tagumpay ng event ang nagorganisa na University of the Philippines Alumni Association of Victoria sa pangunguna ni Janeca Gross na malaki din ang pasasalamat sa mga sponsors na sumuporta.

The aim is to promote the Filipino culture and heritage here in Australia, especially for the next generation of Filipino-Australians.

Janeca Gross, University of the Philippines Alumni Association of Victoria

Balikatan Para sa Kalikasan ang naging tema ng kaganapan at nagbahagi ng mga tips para makatulong sa pangangalaga ng kalikasan ang climate resiliency lead ng Merikbek City Council si Mara Baviera.

Habang ipinakita naman ng CEO ng Zero Tag na si Joseph Yap ang mga produkto ng kanyang kumpanya na gawa mula sa recyclable materials bilang sustainability package.

Kwentong Pinoy: Filipino Family Festival attendees. Credit: Angelito VALDEZ Jr

Kumpleto ang mga staff ng konsulado ng Pilipinas sa Melbourne sa naging pagtitipon para sumuporta sa pamumuno ni Consul General Marial Lourdes Salcedo, Consul Jan Sherwin Wenceslaso, Consul Ralph Vincent Abarquez, Cultural Officer Cris Malvas at lahat ng mga staff kasama ang mga anak nito.

Ayon kay Consul General Salcedo, malaking bagay para sa komunidad ang ganitong pagsusulong ng kultura ng Pinoy kahit nasa Australia na.

I hope community organisations continue incorporating Filipino traditions into their events and involve the youth as future leaders.

Consul General Marial Lourdes Salcedo, Philippine Consulate General to Melbourne

Ibat ibang lider ng komunidad ang dumalo gaya ng dating Philippine Honorary Consul Raul Hernandez na nagbigay ng talumpati.

Binigyang pugay din ang mga tatay dahil sa Fathers Day sa pamamagitan ng pagkanta ng Da Coconut Nut na pinangunahan din ng Kiko Choir.

Kiko Choir sings Da Coconut Nut with all father attendees. Credit: Angelito VALDEZ Jr

Ispesyal na panauhin ang dating miyembro ng singing group noong 90s na Smokey Mountain na si Chedi Vergara na nakatira na sa Australia ng labinlimang taon.

Inawit si Chedi kasama ng Kiko Choir ang mga sikat na awitin tungkol sa Kalikasan na Paraiso at Better World.

Smokey Mountain's Chedi Vergara sings 'Paraiso' and 'Better World' with Kiko Choir. Credit: Angelito VALDEZ Jr