Bakit kumakain ng marami ang mga Aussie?

Sa kabila ng pagiging matalino ng mga Aussie pagdating sa nutrisyon, patuloy na tumataas ang antas ng obesity. Lumabas sa bagong pananaliksik na 64 porsyento ng mga Australyano ang kumakain ng pangalawang plato ng hapunan at 67 porsyento ang mahilig mag-upsize kapag bumibili ng pagkain dahil konti lang ang diperensya sa presyo ng regular at large meal.

Source: SBS

Tumaas ng 20 porsyento ang obesity simula 1995, at ayon sa mga mananaliksik mula sa The George Institute for Global Health, ang moderno, mas malaking bahagi ng pagkain ay isa sa mga dahilan ng krisis sa timbang ng bansa.

Hinikayat ng Accredited Practising Dietician na si Megan Alsford ang mga Australyano na bantayan ang sukat ng pagkain at pag-aralan ang pagsali ng lahat ng food types upang manatiling malusog.