Paano matukoy ang scam lalo na sa panahon ng pagbabayad ng buwis

New data says 24 per cent of Australians have already been targeted with a tax-related scam. Credit: AAP

Sa pagpasok ng panahon ng pagbabayad ng buwis, pinag-iingat ng mga eksperto ang lahat dahil sa mataas na bilang ng mga scammer na nanamantala para lokohin ang mga Australyano at makuha ang kanilang personal na impormasyon.

24 porsyento ng mga Australian ay nabiktima na ng isang scam na kaugnay sa buwis, na may 31 porsyento na nahihirapan na tukuyin ang iba't ibang uri ng scam ayon sa mga bagong datos mula sa Commonwealth Bank of Australia.
Sa pinakahuling Targeting Scams report ng National Anti-Scam Centre, pumalo sa $2.74 bilyon ang nawala sa mga Australyano dahil sa scam noong taong 2023, at higit 601,000 naiulat na iba't ibang scam sa mga pangunahing organisasyon na nagmo-monitor.
Ang payo ay "huminto muna bago i-click ang link o magpadala ng pera; pag-isipang mabuti kung lehitimo ba ang natanggap na sulat; at protektahan ang sarili mula sa scam".