Pangakong taas sahod para sa mga nagtatrabaho sa childcare, tinupad ng gobyerno

Anthony Albanese visiting the Styles Street Children's Community Long Day Care in Sydney. Source: AAP / MICK TSIKAS/AAPIMAGE

Nakatakdang madagdagan $103 kada linggo sa average ang sahod ng mga childcare worker. Kasunod ito ng pangako ng pederal na pamahalaan ng pagtaas ng suweldo. Ang kabuuang 15% na pagtaas ay ibibigay sa susunod na dalawang taon, at nakadepende sa mga childcare centre na dapat na mangako na hindi nila itataas ang kanilang singil ng higit sa 4.4 per cent sa susunod na taon.

Nakatakdang makatanggap ng kabuuang 15% na pagtaas sa sahod ang mga childcare work sa loob ng susunod na dalawang taon.
Mula Disyembre 2024, nakatakda silang makatanggap ng dagdag na $103 bawat linggo, at dagdag na $155 pa bawat linggo mula Disyembre 2025.
Kailangang magrehistro ng mga childcare centre sa isang kasunduan sa industriya sa Fair Work Commission at magkakaroon ng legal na maipapatupad na kasunduan sa Department of Education at mga provider upang matiyak na susundin nila ang 4.4% na limitasyon sa pagtaas ng singil.