Highlights
- Sa datos ng Workplace Gender Equality Agency pinaka-apektado ngayong pandemya ang mga kababaihan.
- Ang gender pay gap malaking epekto ito sa mga kababaihan lalo na silang hirap sa buhay
- Mga advocates isinusulong ang gender pay equity policy sa mga kompanya para patas na ang pagbibigay ng sahod sa mga kababaihan
Pakinggan ang audio
Isinusulong ng pinaka-unang babaeng CEO ng Super Aware na isang malaking superannuation fund dito sa Australia na si Deanne Stewart na wakasan o mabigyan ng solusyon ang gender pay gap dito sa bansa.
Ang gender gap pay ay nangangahulugan kahit parehong ginagampanan ng isang babae at lalaki ang isang trababaho makakatanggap pa din ng mas mababang sahod ang babae kumpara sa lalaki.
Ayon kay Ms Stewart umaabot sa $125 bilyong dolyar ang pinamamahalaan ng kanilng fund ngayon ng higit isang milyong myembro at karamihan sa kanila ay nasa public sector at higit 66 posyento sa kanila ay mga babae.
Kahit may mga pagbabagong ipinapatupad sa pambansang gender pay gap dito sa Australia sa nakaraang apat na dekada.
Sa datos ng Workplace Gender Equality Agency umaabot sa 22.8 per cent ang gap nangangahulugan lamang ito na ang mga kababaihan ay nakakatanggap ng kulang sa $25,000 na sweldo kaysa mga kalalakihan sa buong taon.
Sa ginawang pag-aaral ng Super Aware nitong buwan ng Enero hanggang Pebrero sa higit 1,500 na mga kababaihan tungkol sa usapin ng gender pay equity policies.
Higit limang daang sa kanila ang nagsabing hindi ipinapatupadd ang gender pay equity policies at karagdagang 44 percent naman ang nagsabing walang alam kung ang kanilang kompanya ay nagpapatupad ang ganitong patakaran.
At sabi ni Stewart ang resultang ito ay nakakabahala.
" Dahil sa gender pay gap naapektuhan ang financial security ng mga kababaihan, hanggang sa kanilang pagreretiro, at lalabas na 50 porsyento na mababa ang kanilang matatanggap kumpara sa lalaking counterparts nila."
Ayon sa Pilipinong si Ness Gavanzo, na pinuno ng Gabriela Australia, mas dumarami ang humingi ng saklolo nitong panahon ng pandemya.
Taong 2018 pa ikinakampanya nito na baguhin ang family violence provision sa ilalim ng Migration Regulations 1994 , na isama ang mga temporary visa holders , at pahintulutang ang mga asawa nito ay magiging permanent resident nang hindi na kailangan ng visa sponsor kung ang taong ito ay mapang-abusong partner.
Dagdag nito sa panahon ng pandemya, maraming migrant na babae ang nakauwi o napilitang bumalik sa kanilang mapang-abusong partner para lang may visa.
Pahabol ni Ms Gavanzo, maraming mga babaeng galing ibang bansa at biktima ng mapang-abusong partner dito, ay hindi naisasali sa listahan ng gobyerno kaya kulang o wala silang suportang nakukuha at kadalasa’y nalalagay pa sa panganib ang kanilang mga buhay.
At kasabay ng temang “ International Women's Day in 2022, gender quality today for a sustainable tomorrow", ayon kay Ms. Gavanzo ang pagkakataon na magkaroon ng boses at mabigyan ng karapatang mabuhay ng ligtas para sa kanilang kinabukasan ay nangangahulugan lang na kahit saan sa mundo basta magkaisa ay may pag-asa.
"Ang Sisterhood o pagkabuklod bilang magkapatid ay nangangahulugan ng pagkakaisa at pagtutulungan ng lahat ng kababaihan sa buong mundo. Dapat walang iwanan, isulong natin ang mga pagbabago para sa karapatan ng lahat ng mga kababaihan."
