Pinoy community sa Perth, magsasagawa ng 'Fan March' bago ang laro ng Matildas vs Filipinas

Despite the team landing in Perth in the early hours of February 24, Shellane Encabo Espinosa and the Filipino community joyfully welcomed the Filipinas squad for their AFC Women’s Asian Cup 2026 campaign. Credit: Shellane Encabo Espinosa

SBS sa Wikang Filipino

View Podcast Series

Follow and Subscribe

Download the SBS Audio appAvailable on iOS and Android

Todo ang suporta ng Filipino community sa Western Australia para sa pagharap ng Philippine Women’s National Football Team laban sa host nation na Australia sa darating na Marso 1.

Key Points

Mainit na Pagsalubong: Sa kabila ng madaling araw na paglapag sa Perth nitong Pebrero 24, masayang sinalubong ni Shellane Encabo Espinosa at ng Filipino community ang koponang Filipinas para sa kanilang kampanya sa AFC Women’s Asian Cup 2026.
Fan March: Pangungunahan ng Konsulado ng Pilipinas sa Western Australia at ng grupong FAME ang isang parada sa Burswood Park sa Linggo ng alas-dos ng hapon bago ang tapatan ng Filipinas at Matildas sa Perth Stadium.
Pagpapakitang-gilas ng Kultura: Gagamitin ng grupong FAME ang pagkakataon upang itampok ang sayaw at kulturang Pinoy, na layon ding ipamana sa mga kabataang Pilipino na lumalaki sa Australia habang ipinapakita ang pakikiisa sa koponan.

Warm Welcome: Despite the team landing in Perth in the early hours of February 24, Shellane Encabo Espinosa and the Filipino community joyfully welcomed the Filipinas squad for their AFC Women’s Asian Cup 2026 campaign. Credit: Shellane Encabo Espinosa

RELATED CONTENT

Filipinas vs. Matildas: Players, where to watch and everything to know about the 2026 AFC Women’s Asian Cup

Filipino in Sydney organises live viewing site to support the Filipinas at the AFC Women’s Asian Cup

Filipinas welcomed by Pinoy Community in WA ahead of first 2026 AFC Women’s Asian Cup match against Matildas

📢 Where to Catch SBS Filipino

🔊 On Air – Tune in to SBS Filipino on radio stations across Australia and website live stream, and TV Channel 302 from 10 AM to 11 AM AEST daily.

📲 Catch up episodes and stories – Visit sbs.com.au/filipino or stream on Spotify, Apple Podcasts, Youtube Podcasts, and SBS Audio app.

📣 Follow Us on Social Media – Stay updated by following us on Facebook and Instagram.

Transcript

Shellane Encabo Espinosa

Sobrang excited, sa katunayan po 'yong last two years na dumating po sila dito kami din po 'yung isa sa mga sumundo ah naka-maskara costume.

TJ Correa

Ito ang tinig ni Shellane Encabo Espinosa na isa sa masayang sumalubong sa Philippine Women's National Football Team o ang Pilipinas na lumapag sa Perth noong 2023 at nitong ika-4 ng Pebrero 2026 para sa laban nito sa AFC Women's Asian Cup.

Madaling araw dumating ang grupo pero sinabi ni Shellane na naghanda ang mga Filipino community sa Western Australia na mapuyat para sa mga manlalarong nais nilang suportahan.

Shellane Encabo Espinosa

Ah schedule, hating gabi o madaling araw na sila dumating 1:25 am ang landing nila.

Si Honorary Consul Melissa Aguasa po, hindi po niya in-expect na ganun kadami ang sumalubong kasi dapat mga 12 or 12:30 ng madaling araw kailangan nasa airport ka na.

So hindi niya po ine-expect na ganun kadami ang sasalubong sa ating mga players. Ganun po ka-excited ang mga Pilipino dito sa pagsalubong sa ating mga players.

Isang makasaysayang pagbubukas ng AFC Women's Asian Cup ang masasaksihan ngayong Linggo Marso 1 sa paghaharap ng host nation na Australia o Matildas at ng Philippine Women's National Football Team o ang Filipinas, pero bago ang laro sa Linggo, 5:00 ng hapon, magsasagawa naman ang mga Pinoy ng tinawag nilang Filipinas March bandang alas-2 ng hapon. Pangungunahan ang pagtitipon ng Konsulado ng Pilipinas sa Western Australia sa Burswood Park na magsisilbing pagdiriwang ng pagkakaisa para suportahan ng koponan. Ang grupong FAME o Filipino-Australian Multicultural Entertainers, kung saan kabilang si Shellane, ay pangungunahan ang parada.

Shellane Encabo Espinosa

Sa March 1 po magsisimula yung parada namin sa Burswood playground and then 'yon na nga 'yung first time na makikita din dito 'yong nagkakaroon kami ng swing flag. It's like, kung sa atin pa po drum and bugle pero swing flag po ang ginagamit namin sa parada for the first time po 'tsaka ano 'yon parang katuwaan na rin po namin na ipapakita kung gaano po kadami ang supporter po ng Filipinas team.

Ang grupo ni Shellane ay laging sumasayaw at itinatampok ang kulturang Pinoy sa iba't ibang event sa Perth. Iginiit niya ang kahalagahan na maipasa pa ito sa mga kabataan lalo na sa mga ipinanganak o lumaki na sa Australia.

Shellane Encabo Espinosa

Para po sa akin na napakahalaga po 'yun dahil 'yung tinatawag nating history lalo na po sa FAME dancer, mga youth po ang gina-gather ko.

Mino-motivate ko po sila kung gaano kaimportante 'yung kultura natin bilang isang Pilipino dito sa ibang bansa. Lagi ko pong pinapaalala sa youth, mayroon po kaming 15 na youth na nakasali sa FAME, lagi ko po silang pinapaalala na sino po ang tataas ng bandila natin sa ibang bansa?

At kayo 'yung mga kabataan dahil sinasabi nga sa ating wika,"Ang kabataan ng pag-asa ng bayan."

Matapos ang pagtatanghal sa Filipinas Fan March, didiretso ang mga Pinoy sa Perth Stadium para sa laban ng Filipinas versus Matildas. Ito ang muling pagtatagpo ng dalawang koponan matapos ang kanilang huling laro noong Oktubre 2023 kung saan namayani ang Australia sa score na 8-0.

Sa kasalukuyang FIFA rankings, malaki pa rin ang agwat ng dalawa. Nasa 15th place ang Australia habang nasa 41st naman ang Pilipinas, pero kahit dehado, hindi mapipigil ang suporta ng Pinoy gaya ni Shellane na bumili na ng ticket sa laro at handang i-cheer ang koponan.

Shellane Encabo Espinosa

Noong sinabi na po na naka-post na 'yung ticket, talagang kumuha po kami talaga lahat buong team namin sa Filipino-Australian Multicultural Entertainers, 20 na ticket kaagad ang na-book namin para sure kami na talagang manonood ng lahat.

Katwiran siguro ng bawat mamamayan na talagang kahit sa pagsusuporta po natin sa mga player, parang doon po sila magkakaroon ng kalakasan na gawin ang the best sa paglalaro. Kaya full support ang mga Filipino.

TJ Correa

Ako si TJ Correa para sa SBS Filipino.

END OF TRANSCRIPT