Pinoy "Queen of Soul", mula sa pag-awit hanggang sa pag-arte at hurado sa kompetisyon

Sa kanyang unang pagkakataon na pagbisita sa Western Australia, inihayag ng "Queen of Soul" ng Pilipinas na si Jaya ang kanyang kasiyahan na nagagawa niyang kumanta, umarte at ngayon maging isang hurado para sa kompetisyon ng pag-awit sa kabuuan ng kanyang karera. Larawan: Jaya sa kanyang unang konsiyerto sa Perth, WA (Cielo Franklin)

Jaya in her first concert in Perth, WA Source: Cielo Franklin

Dalawampu't dalawang taon na ang nakalipas nang si Jaya ay tunay na nabigyan ng pagkakataon na makapasok sa industriya ng musika sa Pilipinas nang taong 1995 napansin ng tinaguriang "Asia's Queen of Songs" Pilita Corrales, ang kanyang boses nang siya kumanta bilang pambungad na awit para kay Corrales.

 

Ngayon mahigit 20 taon, tunay nga na siya ay nakagawa ng malaking pangalan para sa kanyang sarili dahil sa natatangi niyang boses bilang isang soul music singer, aktres at isang hurado.

 

Kinausap ni Cielo Franklin ng SBS Filipino si Jaya matapos ang unang konsiyerto nito sa Perth.