Salakot: Pamanang kasuotan ng kulturang Pilipino

Mark Ong and his collection of 'salakot' the traditional native hat of the Philippines.

Bitbit ni Mark Ong hanggang Australia ang koleksyon nya ng mga salakot na nakuha pa nya sa iba't-ibang probinsya sa Pilipinas. May sari-saring hugis at materyales, pero bawat isa ay may kwentong dala.

Ayon sa kasaysayan, sa impluwensya ng mga Malay natuto ang mga Pilipinong magsuot ng gora o saklob sa ulo. Habang noong panahon ng Kastila nabuo ang kaugaliang pag-adorno ng salakot. Ang disenyo ay naging isang simbolo ng katayuan sa buhay.
Ang salakot ay isang tradisyunal na sumbrero na karaniwang suot ng mga magsasakang Pilipino sa iba't ibang probinsya bilang proteksyon sa init o ulan. Mayroong yari sa palma, kawayan , rattan at iba pang halaman sa mga rehiyon.
Ang pangongolekta ng language educator na si Mark Ong ng salakot ay bahagi ng kanyang adbokasiya na mapreserba ang mga pamana ng kuturang Pilipino.