Sektor ng agrikultura inihahanda para sa epekto ng El Niño

Pinamamadali na ni Pangulong Bongbong Marcos ang mga irrigation project bilang paghahanda sa epekto ng tagtuyot na dulot ng nararanasang El Niño phenomenon

Aabot sa 77% ng bansa ang inaasahang makararanas ng tagtuyot sa katapusan ng Mayo. Posibleng mas mahaba pa ang El Niño, na maaaring matulad sa umiral nuong 1997 hanggang 1998, na pinakamalalang naitala sa kasaysayan ng Pilipinas Credit: J.R. Bellemore /Pexels

Key Points

• Kabilang sa mga natapos nang irrigations project ay ang Balbalungao Small Water Reservoir Project na magiging imbakan ng patubig para sa isanlibong ektarya ng palayan sa Lupao, Nueva Ecija.
• Mayroon ding nasa 141 na excavator na na-turnover sa National Irrigation Administration sa Subic Bay Free Port.
• Pinaghahandaan ng Department of Social Welfare and Development at Department of Labor and Employment o DOLE ang pamimigay ng ayuda para sa mga magsasakang maaapektuhan ng El Niño.

Sa ibang balita, bumisita sa Pilipinas ang navy ship ng India na I-N-S Kadmatt para sa goodwill visit. Nagasawa ito ng maritime exercise sa BRP Ramon Alcaraz ng Philippine Navy.

Ipinakita ng Indian navy officials ang mga pwedeng maitulong ng India pagdating sa maritime defense capability ng Pilipinas.

Kabilang ang India sa mga bansang sumusuporta sa Pilipinas sa iringan nito sa ibang bansa sa West Philippine Sea.