Isang senador sa Pilipinas, nais imbestigahan ang “gentleman’s agreement" kaugnay sa West Philippine Sea

Nakasaad sa Senate resolution 982 na hindi batid ng National Security Council ang nasabing “gentleman’s agreement”. Credit: Philippine Coastguard

Naghain si Senador Risa Hontiveros ng resolusyon para imbestigahan ang “gentleman’s agreement” na sinasabing pinasok ng administrasyon ni dating Pangulong Rodrigo Duterte at ng gobyerno ng China.

Sa kanyang Senate resolution 982, sinabi ni Hontiveros na kung Rotoo ang naturang kasunduan, “treasonous” ito at parang isinuko na ng Pilipinas ang soberenya ng bansa.
Nanindigan ang National Security Council na maituturing na national security threat ang pagpapakalat ng maling impormasyon tungkol sa West Philippine Sea.
Sinabi naman ni Defense Secretary Gilberto Teodoro Jr hindi aniya dapat makalimutan na ang pangunahing banta sa karapatan ng Pilipinas sa West Philippine Sea ay ang mga iligal na aktibidad ng China duon.

Sa ibang balita, nakararanas ngayon ng heatwave ang ilang bahagi ng Pilipinas, sa gitna ng El Nino phenomenon

Umaabot sa 40 degrees celsius pataas ang heat index o damang init na nararanasan sa ilang lalawigan, partikular sa hilagang bahagi ng bansa