Pagbaha sa Townsville patuloy na nagbabanta sa mga residente matapos magpakawala ng tubig mula sa Ross River Dam

Ang mga residente ng Townsville ay lubog pa rin sa baha habang ang mga awtoridad ay kinakailangan na nagpakawala ng tubig mula sa Ross River dam habang umabot ito ng higit sa 200 porsiyento ng kapasidad nito.

Locals observe floodwaters at Black Weir in Townsville(Feb 1). Townsville residents are again being told to leave their homes as state's north flooding rolls on Source: AAP Image/Andrew Rankin

Muling hinikayat ng premyer ng Queensland at ng Queensland Fire and Emergency Services sa Townsville ang mga residente na lumikas at iwan ang kanilang mga tahanan, lalo na iyong mga nasa mabababang lugar.

Kinausap ng SBS Filipino ang papaalis na pangulo ng Filipino Australian Affiliation of North Queensland, Loida Pioc,  na mula sa Townsville. Iniulat niya na sa kabutihang palad, walang nasawi mula sa komunidad Pilipino na naitala sa mga oras na ito, ngunit ang suplay ng pagkain ay kaunti na lamang sa kanilang lugar habang ang mga trak na nagsusuplay para sa mga pangunahing supermarket ay hindi makapasok sa Townsville.