Plano para sa mga dayuhang estudyante inihain ng mga unibersidad habang tumataas ang kawalan ng trabaho

澳洲失業率創新高 Source: AAP

Pumalo sa 7.1 porsyento ang antas ng kawalan ng trabaho sa Australya matapos na mahigit sa 200,000 katao ang nawalan ng trabaho dahil sa mga lockdown kaugnay ng coronavirus.

Lumabas ang bagong tala habang isinasa-alang-alang ng pamahalaan na makabalik sa bansa ang mga banyagang estudyante sa susunod na buwan.

Mga highlight

Hindi na makapaghintay si Punong Ministro Scott Morrison na buksan ang pagbiyahe sa pagitan ng mga estado habang ipinapakita ng mga bagong tala na ang mga pagsara nv border ay nagdulot ng pagkawala ng 5,000 trabaho bawat linggo at $84-milyong dolyar kada araw.
Tumaas sa 7.1 porsyento ang bilang ng nawalan ng trabaho sa Australya noong Mayo habang dagdag na 227,000 katao ang nawalan ng trabaho.
Ang pinakamasamang bilang ng kawalang trabaho mula Oktubre 2001 ay lumabas habang balak ng gobyerno na pabalikin sa bansa ang daan-daang estudyante sa susunod na buwan.