Nitong nakaraang Lunes, umabot na sa labing pito ang mga naging biktima ng influenza sa South Australia sa taong ito, labing tatlo dito ay mga residente sa mga aged care home.
Ayon kay Professor Poddy Phillips, Chief Medical Officer, mula sa bagong taon, bumibilang na sa limampu’t tatlo (53) ang flu outbreak sa mga nursing home at labing walong mga pasilidad ang nangailangang ma-lock down.
Ayon din sa kanya, bumilang na ng 12,339 ang mga kaso ng influenza noong nakaraang Sabado samantalang noong nakaraang taon, ang bilang ng mga kaso ng influenza sa mga kapanahunang ganito, ay 1,348 lamang.
Kasali sa namatay ng influenza ay isang kinse anyos na walang pre-existing kondisyon ng sakit.
May naitala ring pitong kamatayan sa loob ng isang linggo lamang, kung kaya hinihihimok ang pagkakaroon ng flu vaccination para sa indibidwal na proteksiyon.
