વડાપ્રધાન માલ્કમ ટર્નબુલ સિડની હાર્બર ખાતે બોટમાં થોડા અંતર સુધી લાઈફ જેકેટ પહેર્યા વગર ગયા હતા. આ કારણે ન્યુ સાઉથ વેલ્સ રાજ્યની રોડ અને મેરિટાઇમ સિક્યુરિટી વડે તેમને દંડ ફટકારવામાં આવ્યો હતો. તેવું ફેરફેક્સ મીડિયા તરફથી જાણવા મળ્યું છે.
ન્યુ સાઉથ વેલ્સ રાજ્યની રોડ અને મેરિટાઇમ સિક્યુરિટીનું કહેવું છે કે ," $250 ડોલરનો દંડ વડાપ્રધાનને આ સપ્તાહના આરંભે તેમની નાવમાં લાઈફ જેકેટ પહેર્યા વગર નજીકના અંતર સુધી જવાના કારણે ફટકારવામાં આવ્યો છે."
શ્રી ટુર્નબુલને તેમના સિડની નિવાસ સ્થાન પોઇન્ટ પાઇપર નજીકના બીચ પર નાવમાં લાઈફ જેકેટ પહેર્યા વગર જોવામાં આવ્યા હતા.
જાણવા મળતી વિગતોપ્રમાણે વડાપ્રધાને વોટરવે સલામતીનો જે નિયમ ભંગ કર્યો છે તે મુજબ - 4.8 મીટર થી નાની નાવમાં એકલા મુસાફરી કરનારે લાઈફ જેકેટ પહેરવી ફરજીયાત છે અથવા દંડ કરવામાં આવશે.
આ અંગે ભૂલ સ્વીકારતા અને સબક શીખ્યાનું વડાપ્રધાને પોતાની ફેસબુકની પોસ્ટ દ્વારા જણાવ્યું હતું.
વડાપ્રધાનના પ્રવક્તા દ્વારા જણાવાયુ હતું કે વડાપ્રધાન આ દંડ ભરી દેશે.
Source: Malcolm Turnbull Facebook
Share
