ન્યૂ સાઉથ વેલ્સના કેટલાક ભાગોમાં પૂરની પરિસ્થિતિ હજી પણ યથાવત રહે તેવી સંભાવના છે. આ ઉપરાંત, વિક્ટોરીયામાં ભારે વરસાદ તથા તોફાન આવે તેવી શક્યતા છે. સાઉથ ઓસ્ટ્રેલિયામાં પણ વીકેન્ડમાં તોફાન તથા વિજકાંપની પરિસ્થિતિ સર્જાઇ હતી.
મેટ્રોપોલિટન સિડની, ઇલાવારા, સાઉથ કોસ્ટ, સધર્ન ટેબલલેન્ડ્સ, સાઉથ વેલ્સ સ્લોપ્સ, સ્નોઇ માઉન્ટેન્સ, ઓસ્ટ્રેલિયન કેપીટલ ટેરીટરી તથા સેન્ટ્રલ ટેબલલેન્ડ્સ, રીવેરીના, હંટર, સેન્ટ્રલ વેસ્ટ સ્લોપ્સમાં હવામાનમાં પલટો આવે તેવી ચેતવણી આપવામાં આવી છે.
રવિવારે 200 સ્થાનિક સરકારી વિભાગોને આપદાગ્રસ્ત જાહેર કરવામાં આવ્યા હતા.
જેમાંથી 75 જેટલા વિસ્તારો ન્યૂ સાઉથ વેલ્સમાં છે.
ન્યૂ સાઉથ વેલ્સ તથા વિક્ટોરીયામાં સ્ટેટ ઇમર્જન્સી સર્વિસ ફોર્બ્સ, કોમોબોલિન, યુબાલોંગ, વાલ્ગેટ્ટ, બર્ક, હેય, આલ્બરી, ઇકુચા, મિલ્ડુરા, વેન્ટવર્થ, ડેનીલિક્વિન, વી વા, મૌલામેન અને યુગૌરા વિસ્તારો પર ધ્યાન કેન્દ્રીત કરી રહી છે.
યુગૌરામાંથી ગુમ થયેલી એક વ્યક્તિનું શરીર શનિવારે મળી આવ્યું હતું.
પોલિસે હજી સુધી તે વ્યક્તિની ઓળખ કરી નથી પરંતુ, માનવા પ્રમાણે તે 14મી નવેમ્બરે ગુમ થયેલા 85 વર્ષીય લેસ વુસેકનું હોઇ શકે છે.
શનિવારે, નાઓમી નદી વી વા નજીક 7.15 મીટરની ઉંચાઇ સુધી પહોંચી ગઇ હતી.
ન્યૂ સાઉથ વેલ્સ સરકારના જણાવ્યા પ્રમાણે, ખરાબ હવામાન તથા ભારે પૂરની અસર મહિનાઓ સુધી વર્તાઇ શકે છે. કેન્દ્રીય ઇમર્જન્સી મેનેજમેન્ટ મંત્રી મરે વોટ્ટે લોકોને રવિવારે સરકાર દ્વારા લેવામાં આવેલા પગલાં વિશે માહિતી આપી હતી.
બીજી તરફ, વિક્ટોરીયામાં સેન્ટ્રલ, ઇસ્ટ ગીપ્સલેન્ડ, સાઉથ વેલ્સ, નોધર્ન કંટ્રી, નોર્થ સેન્ટ્રલ, નોર્થ ઇસ્ટ, વેસ્ટ, સાઉથ ગીપ્સલેન્ડ, વીમ્મેરામાં ખરાબ હવામાનની ચેતવણી જારી કરવામાં આવી છે.
સાઉથ ઓસ્ટ્રેલિયામાં વીકેન્ડ દરમિયાન ભારે પવન તથા વાવાઝોડાના બાદ હજારો લોકોએ વીજકાંપનો સામનો કરવો પડ્યો હતો.
કેટલાક વિસ્તારોમાં આજે વીજળી પુનસ્થાપિત થાય તેવી આશા છે જ્યારે અને વિસ્તારોએ મંગળવાર સુધી રાહ જોવી પડી શકે છે.
રાજ્યના દક્ષિણપૂર્વ વિસ્તારોએ આજે ખરાબ હવામાનનો સામનો કરવો પડી શકે છે.
Keep up to date with the latest forecast from the
Follow the latest changes by checking the
If you are in a life-threatening emergency, call Triple Zero (000). Call the NSW SES on 132 500, Victoria Emergency Services on 1800 226 226, or SA SES on 132 500 if you have experienced damage from storms, wind, hail or a fallen tree and if a tree branch is threatening your property or a person's safety.
To access this information in other languages, call the Translating and Interpreting Service on 131 450 (freecall) and ask them to call VicEmergency Hotline.
If you are deaf, hard of hearing, or have a speech/communication impairment contact National Relay Service on 1800 555 677 and ask them to call the VicEmergency Hotline.
