ભારતની કોરોનાવાઇરસ સામેની લડતમાં તમે આ પ્રકારે મદદ કરી શકો

ઓસ્ટ્રેલિયામાં રહેતા લોકો ભારતને કોરોનાવાઇરસ સામેની લડતમાં વિવિધ પ્રકારે મદદ કરી શકે છે. યુનિસેફ ઓસ્ટ્રેલિયા, કેર ઓસ્ટ્રેલિયા તથા હ્યુમન અપીલ ઓસ્ટ્રેલિયા જેવી સંસ્થા દ્વારા તમારી મદદ પહોંચાડવામાં આવશે.

In this April 24, 2021 file photo, a COVID-19 patient receives oxygen provided by a Gurdwara, a Sikh house of worship, in New Delhi, India. Source: AP via AAP

ભારત અત્યારે કોરોનાવાઇરસની મહામારીના બીજા તબક્કામાંથી પસાર થઇ રહ્યું છે. છેલ્લા કેટલાક દિવસોમાં ભારતમાં ઓક્સીજનના પુરવઠાની તથા હોસ્પિટલમાં બેડની અછત સર્જાઇ છે.

બીજી તરફ દરરોજ કોરોનાવાઇરસના કેસ રેકોર્ડ ગતિથી વધી રહ્યા છે.

મહામારીના આ સમયમાં જો ઓસ્ટ્રેલિયાના લોકો ભારતની મદદ કરવા માંગતા હોય તો તેમના માટે મદદ પહોંચાડવાના ઘણા રસ્તા છે.

UNICEF Australia

આપદા સમયે રક્ષણ મળી રહે તે માટે કાર્ય કરતી સંસ્થા UNICEF Australia ના જણાવ્યા પ્રમાણે તેમને મળનારું દાન ઓક્સીજન પૂરું પાડવાના કાર્યમાં વપરાશે. આ ઉપરાંત કોરોનાવાઇરસના ટેસ્ટીંગ મશીન અને રસીના વિતરણમાં મદદ પૂરી પાડવામાં આવશે.

દાન અંગે વધુ માહિતી માટે https://www.unicef.org.au/appeals/india-covid-19-crisis ની મુલાકાત લો.

Care Australia

Care Australia સંસ્થા કામચલાઉ ધોરણે હોસ્પિટલ, મેડિકલ સ્ટાફ, ઓક્સીજન, દવાઓ તથા PPE કીટની વ્યવસ્થા કરી રહી છે. Care Australia ના જણાવ્યા પ્રમાણે તેમની 100 બેડની હોસ્પિટલ બિહારમાં શરૂ પણ થઇ ગઇ છે. પરંતુ હજી પણ ઓક્સીજન, દવાઓ તથા રસી વિતરણમાં સહયોગની જરૂરિયાત છે.

દાન વિશેની વધુ માહિતી માટે https://www.care.org.au/appeals/india-covid-19-appeal/.

Oxfam

Oxfam આરોગ્ય કર્મચારીઓ માટે સાધન સામગ્રી તથા કીટની વ્યવસ્થા કરે છે. સંસ્થાના જણાવ્યા પ્રમાણે તેઓ દેશના ગરીબ વર્ગના લોકોને રોકડ નાણા તથા માઇગ્રન્ટ કર્મચારીઓને ખાદ્યસામગ્રી ઉપલબ્ધ કરાવવા માટે કાર્ય કરી રહ્યા છે.

ભારત સહિત અન્ય દેશોમાં કાર્ય કરતી આ સંસ્થાને મદદ કરવા માટે https://secure.oxfam.org.au/donate/coronavirus ની મુલાકાત લો.

Human Appeal Australia

ઇન્ટરનેશનલ ડેવલોપમેન્ટ ઓર્ગેનાઇઝેશન Human Appeal Australia (HUA) ગરીબી અને સામાજિક અન્યાય સામે કાર્ય કરે છે.

હાલમાં સંસ્થા ભારતમાં કોરોનાવાઇરસ સામેની લડતમાં કીટ, ખાદ્યસામગ્રી, ઓક્સીજન પૂરું પાડીને પોતાનો સહયોગ આપી રહી છે. HUA ના જણાવ્યા પ્રમાણે દાનના નાણા ઓક્સીજન પ્લાન્ટ શરૂ કરવા માટે ખર્ચ થશે.

દાન કરવા અંગે વધુ માહિતી https://www.humanappeal.org.au/campaign/an-urgent-call-to-help-our-brothers-sisters-in-india/

World Vision

World Vision સંસ્થા હોસ્પિટલ્સમાં બેડ, ઓક્સીજન મશીન તથા દવાઓના વિતરણ માટે કાર્ય કરી રહી છે. સંસ્થા હોસ્પિટલમાં બેડ માટે 2.5 મિલિયન ડોલરની ફાળવણી કરશે. આ ઉપરાંત, 93 હોસ્પિટલ્સમાં ઓક્સીજન પૂરું પાડવામાં પણ સહયોગ આપશે.

દાન સહિતની અન્ય માહિતી માટે https://www.worldvision.com.au/end-corona ની મુલાકાત લો.

Crowdfunding

GoFundMe Australia એ દાન એંકઠું કરતી સંસ્થાઓની એક યાદી જાહેર કરી છે. જેના દ્વારા ઓસ્ટ્રેલિયાના લોકો પોતાની મદદ પહોંચાડી શકે છે.

સંસ્થાઓની યાદી અહીંથી પ્રાપ્ત થશે.

વિવિધ માધ્યમો દ્વારા SBS Gujarati સાથે જોડાયેલા રહી શકો છો.

SBS Gujarati Website: www.sbs.com.au/gujarati ને બુકમાર્ક કરો અને તાજા પ્રકાશિત થતા સમાચારો મેળવો.

SBS Radio એપ: SBS Gujarati ના તમામ પોડકાસ્ટ અને લાઇવ રેડિયો સાંભળવા App Store અને Google Play પરથી SBS Radio app ડાઉનલોડ કરો

ગુજરાતીમાં સમાચારો અને મુલાકાતો સાંભળો: ગુજરાતીમાં દૈનિક સમાચારો અને દેશ – વિદેશમાં વસતા ગુજરાતી સમુદાયના લોકોની મુલાકાતો સાંભળવા SBS Gujarati ને Apple Podcasts , Google Podcasts , Spotify પર સબસ્ક્રાઇબ કરો.

Listen to SBS Gujarati every Wednesday and Friday at 4 pm.