સેટલમેન્ટ ગાઈડ : મતદાન કેવી રીતે કરવું ?

1. મત આપવા માટે 18 વર્ષ કે તેથી ઉપરના દરેક ઓસ્ટ્રેલીયન નાગરિકે ઓસ્ટ્રેલીયન ચૂંટણી કમીશન માં રજીસ્ટર કરાવવું જરૂરી છે.

મતદાન માટે નામ ની નોંધણી AEC પાસે તા. 23મી મે સાંજે 8 વાગ્યા સુધી કરાવવાની રહેશે. ત્યારબાદ ચૂંટણી ના દિવસે મતદાન મથક પર મત આપવા પહોચવું .

2. એકવખત રજીસ્ટ્રેશન થઇ ગયા પછી , મતદાન ન કરવું ગુનો છે. આ માટે દંડ ની જોગવાઈ છે.

જો એકવખત નામ રજીસ્ટર કરાવ્યા બાદ, અગર નામ કે સરનામાં માં કોઈ ફેરફાર હોય તો AEC પાસે વિગતો અપડેટ કરાવવી.

3. કેવી રીતે મત આપવો - અંગે ની વિગત આપતા કાર્ડ ઘણા પક્ષો વડે આપશે, પણ વ્યક્તિ એ તેનાથી દોરી ન જઈ ને પોતાના પસંદગી ના ઉમેદવાર ને મત આપવો.

4. ઉમેદવારો પસંદગીના મતદાનની પ્રણાલી દ્વારા ચૂંટવામાં આવે છે.

જેમાં બે મતપત્ર આપવામાં આવશે. લીલુ મતદાન પત્ર હાઉસ ઓફ રિપ્રેઝન્ટેટિવમાં સ્થાનિક ઉમેદવાર પસંદ કરવા માટે છે. જ્યારે, સફેદ મતદાન પત્ર પોતાના રાજ્ય કે પ્રદેશ ના સેનેટર ની ચૂંટણી માટે છે. સેનેટ મતદાન પત્રમાં ઉમેદવારો ની પસંદગી માટે જે - તે પક્ષ પર અથવા કોઈ માર્ક કે નમ્બર વડે આપ મત આપી શકો છો.

5. ઓવરસીઝ અને પોસ્ટલ મતદાન

જો તમે એક વિદેશ માં રહેતા મતદાર હોય તો, મતદાન કાગળો પૂર્ણ વિગતો સાથે AEC ને ચૂંટણી દિવસ પર અથવા ચૂંટણી દિવસ પહેલાં પોસ્ટ વડે મળી જવા જોઈએ.

વધુ વિગતો જાણવા માટે Australian Electoral Commission ની મુલાકાત લ્યો અથવા 13 23 26 પર ફોન કરો.

પોતાની ભાષા માં મતદાન કેવી રીતે કરવું જાણવા vote in your language ની મુલાકાત લ્યો અને ખાસ વિગતો માટે મુલાકાત લ્યો Specific voting details.