Australia nih raikhamsii I chunhnak hmangin ramchung phihkharnak cu ngol dingin le ramri hun than dingin timhlamhnak a ngei.
Rammi hna chungin zatuak cu zat nih raikhamsii an I chunh ah cun phihkharnak duhsah tein kan hun duahmah lai. Raikhamsii a chun cangmi zatuak cu zat nih raikhamsii an I chunh ahcun a hlan kan umtthutning kel ah khan kan kir than lai timi phihkharnak dihterning lam an sialmi cu July 2021 ah ramchung hruaitu vialte hnatlaknak in thawng an thanh.
“ Raikhamsii na chunhnak nih ramchung kan thutdirning a thlen khawh” tiin ramhruaitu Scott Morrison nih a chim.
Asinain, rammi hna sin ah raikhamsii phakterning kong he pehtlaiin thil rak suaisammi cu rak I ruahning in a kal kho lo. Raikhamsii cu tuanah rammi hna sinah a phak khawh ti lo tikah, rammi chungin cu zat nih raikhamsii an I chun kho lai ti rak ruahning in a kal ti lo. Raikhamsii I chunhnak kong he pehtlaiin atu lio kan dirhmun a tanglei ah zoh khawh a si.
Raikhamsii I chunhnak ah Ramkulh le ramthen hna an dirhmun
Raikhamsii a chunhmi an tlawmtam cu ramkulh le ramthen nih zapi sin raikhamsii an phakterning cio ah hngatchan. A cheukhat khat cu hngakchia kum no deuh tiangin raikhamsii chunhnak nawl an pek hna, a cheukhat cu raikhamsii I chunh khawhnak hmun an tawlrelning a rang deuh. Zapi sinah raikhamsii an phakterning cio an i khat lo.
Raikhamsii hi mi pakhat nih voihnih khel te an I chunh a hau mi a si. Raikhamsii hi kum 12 in a cunglei poah nih an I chun kho. Raikhamsii a chun kho mi chungin voikhat a chun mi le voihnih a chun cang mi he an dihlak ah zatuak zeizah dah an si cang timi kan rak langhter.
Raikhamsii I chunhnak ah Australia a dirhmun
Australia ram ah raikhamsii a rak phakka ah hin, kum khua leiin upa pawl hna kha papek in rak chunh hmasa an si
Raikhamsii a chun cangmi hna cu an kum le voi zeizah dah an I chunh cang mi a tanglei ah kan rak langhter lai.
Kum ning hoih in zatuak zeizah nih dah raikhamsii an I chunh cang timi a tang lei ah kan rak langhter lai.
Australia ram chung I ramthen le ramkulh hna ah a ummi chungin raikhamsii a chun cangmi hna cu an kum , an umnak le voi zeizah dah an I chunh cang mi a tang lei ah kan rak langhter lai.
See more from the Vaccine in Focus series here.
