Australia ram mi 45 cu pulrai zawtnak in an nunnak a liam tiin tuchun cawn ninga ni ah thawng an thanh. A nunnak a liam mi hna cu Victoria ramkulh mi 18, New South Wales ramkulh mi 13, le Queensland ramkulh mi 12 hna an si.
Western Australia ramkulh mi 15,565 tluk nih rai an i chawn than tiin nihin ah thawng an thanh. Nizan nak khan tlawmpal cu a tum deuh, nizan lawng ah rai a chawn mi 16,670 tluk an si tiin thawng an thanh. Cun Rai in a thi mi 3 an um fawn.
Australia ramchung ah pulrai zawtnak a chawn thar mi zat, siizung ah thlop a hau mi zat le a nunnak a liam mi zat cu hika ah zoh khawh a si.
Vawlei cung ramkip hruaitu pawl tonnak ah US president Joe Biden biachimnak a ngei. Atutan an i tonnak ah an i ruahceih bikmi, hmai an i thlak bikmi cu COVID-19 kong a si.
Zei bantuk tlangrai zawtnak dah a si ti hngalh lo mi nih North Korea ram mi a phak hna pin ah pulrai zawtnak a chawn hmasa bik cem mi kha cawn nilini ah khan a nunnak a liam tiin thawng an thanh.
Ram mi 350,000 leng rai nih a fanh hna tiin ramchung thawngzamhtu phu nih an phuan. Kan hnu April in khan a tu bantuk in raifanh in zawt hram an i thok hi a si.
COVID-19 raikhamsii kong cu na nuhrin holh in rel khawh a si
Zawtnak I Chek Khawhnak Hmun hna
RAT in zawtnak an chek i positive na si sual cun hika ah theihternak tuah khawh a si.
