COVID-19: Australia Ah Pulrai Zawtnak Karh Pin Ah, Mi 50 Tluk An Thi

Tuchun 5 May Australia Ramchung COVID-19 Thawngpang.

Healthcare workers administer COVID-19 PCR tests at a drive-through clinic on Bondi Beach in Sydney. (file) Source: AAP Image/Bianca De Marchi)

Australia ramchung ah pulrai zawtnak in a nunnak a liam mi hi an dihlak ah 50 tluk an si tiin cawn nili ah thawng an thanh. New South Wales ah a nunnak a liam mi 21, Victoria ah 14 cun Queensland ah 11.

Western Australia ah a thi mi 6 an si i nikhat te lawngah rai ruangah a thi mi an tam cem ni a si, rai a chawn thar mi an dihlak ah 10, 182 tluk an si.

Australia ramchung ramkulh a dangdang cio zongah rai a chawn mi an hun tam chin duahmah. Tahchunnak ah, NSW ah 18,529 nih rai an i chawn tiin tuchun ah thawng an thanh. Ni dang ah cun 11,929 tluk lawng nih rai an chawn tawn. Cu ve thiamthiam in, Victoria ah rai a chawn mi an milu zat cu 10,779 in  11,596 ah a kai.

Cun, Ramkulh kip ah siizung ah thlop a hau mi zong an karh ngaingai.

Australia ramchung ah rai a chawn thar mi milu zat. siizung ah a phan mi le a nunnak a liam mi kong cu hika ah zoh khawh a si.

Ramleng ah zawtnak an hmuh thar mi BA.5 Pulrai zawtnak a ngei mi pahnih ramleng in a rak kir mi chungin kan hmuh tiin cawn nili ni ah thawng an thanh. Cun, Zawtnak BA.4 a ngei mi pa sarih zong hmuh chap an si an ti. 

June thla dongh in cun South Australia ramkulh chung covid runvennak zulhphung dorh deuh a si cang lai.

A luancia kum 2020 March 22 ah khan rak nuntermi zulhphung a rak si.

COVID-19 raikhamsii kong cu na nuhrin holh in rel khawh a si

---

Zawtnak I Chek Khawhnak Hmun hna

ACT   New South Wales   Northern Territory Queensland

South Australia   Tasmania    Victoria   Western Australia

---

 RAT in zawtnak an chek i positive na si sual cun hika ah theihternak tuah khawh a si.

ACT  New South Wales  Northern Territory  Queensland

South Australia  Tasmania   Victoria   Western Australia

---

SBS Coronavirus portal ah na nuhrin holh tein covid-19 kong rel khawh an si.