COVID-19 Thawngpang: Ramkomh Cozah Nih Khualtlawnnak Raikhamsii Timi Kong Thanhnak An Tuah

Tuchun 8 September 2021, Australia ramchung COVID-19 thawngpang thar kan in hrawmh hna.

A member of the public scans a QR code to check into a seafood store in Bankstown, Sydney, Wednesday, September 8, 2021. (AAP Image/Bianca De Marchi) NO ARCHIVING

A member of the public scans a QR code to check into a seafood store in Bankstown, Sydney, Wednesday, September 8, 2021. Source: AAP Image/Bianca De March


  • NSW ramkulh chung chaklei rilikam ah zawtnak an hmuh
  • Shpperton dah ti lo cu Victoria khuate pawl hna cu phihkharnak dorh deuh an si cang
  • ACT ah a ummi tang 12 pawl cu a rannak in raikhamsii i chunh dingin forh an si

New South Wales

Tuchun ramkulh chungah zawtnak 1,480 an hmuh cun pulrai in a nunnak a liam mi pa 9 an si. Pulrai in a nunnak a liam mi an dih lak chungah 7 cu raikhamsii an i chun lo. 

Bonny hills cu zawtnak a hun zor ngaingai nain Waterloo, Redfern, le Marrickville hna ah zawtnak a hun karh deuh caah nawlngeitu hna nih ralrinnak an pek hna. A rannak in cuka hmun hna ah a ummi pawl raikhamsii an i chunh zokzok nak lai nawlngeitu nih an forhfial hna.

Ramkulh chungah raikhamsii a chun cang mi hi zatuak 75% an si cang nain, tling tein raikhamsii a chun cang mi hi zatuak 45% lawng an si rih tiah ramkulh hruaitu nih a chim.

Raikhamsii i chunh dingin siibawi tonnak hika ser khawh a si.

Victoria 

Ramkulh chungah zawtnak an hmu chapmi hi a dihlak ah 221 a si i cuchungah 98 hi atutan rai puanchuah thannak in a chawn chin mi an si hna.

September ni 9 hnu in Ramkulh chung khuate pawl i phihkharnak tuah mi cu dorh deuh a si cang lai. Shepparton khuapi belte cu phihkharnak bel hun a si rih lai lo. A dang khuate pawl hna ah cun leng chuah khawh nak a ruang panga timi zulhphung kha hloh an si cang lai.

AstraZeneca raikhamsii ka chun ko lai na ti a si ahcun hmunhma 10,000 leng a lawng. Hika ah i chunh khawhnak hmun pawl zoh khawh a si.

Australian Capital Territory

Ramthen chungah zawtnak an hmuh mi cu 20 a si, cuchungah 11 hi naihniam khat le khat a chawn mi an si.

Tang12 sianghngakchia pawl hna cu a rannak in raikhamsii Sept 17 hlan ah i chun dingin forhfial an si. An i chunhnak ding hmun cu AIS Arena COVID-19 mass vaccination clinic ah a si lai i chawnhnak ding phone namber cu 02 5124 7700.

Suimilam 24 chung i Australia ramchung thil cangmi 

Ramleng khualtlawng nak caah khawltlawnnak raikhamsii kong cu Ramkomh cozah nih October thla in nunter dingin thawng a thanh. Asinain, Australia ramri cu zeitik an awn lai bel a fiang rih lo.


 

 

Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak

Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:

Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl hika ah rel khawh a si.


Thawngpang le a herhmi thil kong hna cu sbs.com.au/coronavirus ah rel khawh an si. 

Ramkulh le ramthen hna nih an mah le dirhmun hoih in zulhphun an ser cio: NSW, VictoriaQueenslandWestern AustraliaSouth AustraliaNorthern TerritoryACTTasmania

Na nuhrin holh tein COVID-19 raikhamsii kong relnak.


Ramkulh kip ah zawtnak i cheknak hmun pawl:

Ramkulh le Ramthen nih an mah le dirhmun hoih in COVID-19 Bawmhnak an pekmi kong:


Share

Published

By SBS/ALC Content
Presented by Cung Khuk Zawn
Source: SBS

Share this with family and friends


Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Hakha Chin-speaking Australians.
Ease into the English language and Australian culture. We make learning English convenient, fun and practical.
Get the latest with our sbs hakha chin podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service