- Tuchun in WA ah a um mi sianghngakchia le riantuantu hna caah covid zulhphung dorh deuh a si cang. Cucaah, sianghngakchia pawl cu sianginn ah ca an cawng kho than cang lai, cun riantuantu zong rianhmun ah rian an tuan kho ve cang lai.
- Rianhmun ah rian a tuan than kho cang mi pawl cu siizung riantuantu, chawdawr le rawldawr ah rian a tuanmi, datsi dawr a hngaktu, tar zohkhennak ah a tuanmi, sianginn cachim le zapi tlunnak ah hmanmi bus le tlanglawng ti bantuk ah rian a tuan mi hna an si.
- Hi nih hin zawtnak a karhter chin lai tiin fim cawnnak ah lutlai a si mi Vuancicho Sue Ellery nih a chim.
- Nitlak lei ram dah ti lo, zawtnak a chawn mi le pulrai in a nunnak a liam mi an hun zor ngai cang tiin WHO nih thawng a thanh.
- Pulrai ruangah a nunnak a liammi an tam biknak hmun cu Hong Kong a si. A ram mi chungin kum 80 cung upa pawl raikhamsii a chunmi nak in a chun lo mi an tam deuh.
Australia Ah Rai A Chawn mi cazinNew South Wales ramkulh mi 991 tluk cu pulrai zawtnak ruangah zungah thlop an hau, cu chungah ICU ah thlop a hau mi hi 39 an si. Pulrai ruangah a nunnak a liammi 4 an um. Pulrai zawtnak a chawn mi hi an dihlak ah 16,288 an si.
Victoria ah pulrai zawtnak a ngei mi chungin siizungah thlop a hau mi hi 188 an si, ICU ah a ummi hi 32 an si cun thli dawpnak seh thleih a hau mi 3 an um. Pulrai zawtnak a chawn thar mi hi 7,779 an si i, rai zawtnak in a nunnak a liammi hi 8 an si.
Tasmania ramkulh chungah zawtnak a chawn thar mi 1,167 an um, siizungah a thlop cuahmah mi hi 16 an si i ICU chiah a hau mi hi 5 an si.
ACT ah khua a sa mi chungin minung 821 nih rai an i chawn, sii ah a thlop cuahmah mi hi 37 an si, cun ICU ah um a hau mi hi 2 an si.
Queensland ramkulh ah minung 4571 nih rai an i chawn, mi 5 an nunnak a liam. Siizung ah a thlop lio mi hi 252 an si, covid-19 ruangah ICU ah um a hau mi hi 17 an si.
COVID-19 raikhamsii kong cu na nuhrin holh in rel khawh a si
Zawtnak I Chek Khawhnak Hmun hna
RAT in zawtnak an chek i positive na si sual cun hika ah theihternak tuah khawh a si.
