- Nihin in Australia ramchung ah a ummi zatuak 90 nih raikhamsii an voikhatnak chunh an i lim cang tiah ramkomh ngandamnak lei lutlai Greg Hunt nih a chim.
- Moderna le SPIKEVAX raikhamsii cu kum 6-11 hngakchia caah hman dingin sii lei thiamsang bu Therapeutic Goods Administration nih hnatlaknak le lungtlinpinak a ngei cang.
- Gold Coast ah pulrai zawtnak an hmuh than a si ah cun COVID zulhphung cu rengh than a si lai tiin Ramkulh hruaitu Annastacia nih a chim.
- Phungning loin Halloween an lawmh caah ACT ramthen chungah minung 33 nih pulrai an i chawn than.
- Fiji nih Australia ram mi caah a ramri a hun than cang. Fiji ram passport a tlaihmi chungin raikhamsii tlingin an i chun cang mi cu erhkhumhnak ah um hau loin an lut chuak kho cang lai. Ram hnih kar hnatlaknak an sermi cu Dec 1 in a nung dingmi a si.
COVID-19 Thawngtawi
Victoria ram mi 1,313 nih zawtnak an i chawn i ramkulh mi 4 pulrai ruangah an nunnak a liam.
NSW ramkulh mi 261 nih zawtnak an i chawn i pulrai ruangah mi pakhat a nunnak a liam.
Queensland ramkulh mi pahnih nih zawtnak an i chawn nain pakhat cu aho sin in dah zawtnak a chawnh timi an thei kho lo.
Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak
Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:
Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl hika ah rel khawh a si.
Ramkulh le ramthen hna nih an mah le dirhmun hoih in zulhphun an ser cio: NSW, Victoria, Queensland, Western Australia, South Australia, Northern Territory, ACT, Tasmania
Ramkulh kip ah zawtnak i cheknak hmun pawl:
Ramkulh le Ramthen nih an mah le dirhmun hoih in COVID-19 Bawmhnak an pekmi kong:
