COVID-19 pulrai zawtnak in Australia ram mi 44 an nunnak a liam tiin nihin cawnninga ni ah thawng an thanh. A nunnak a liam mi pawl hna cu Victoria ramkulhmi 22, New South Wales ramkulhmi 11, cun Queensland ramkulhmi 6 hna an si. A dang paruk hna cu Western Australia ramkulhmi an si tiin thawng an thanh chap.
Pulrai zawtnak a chuak tharmi Omicron's BA.2 zawtnak a chawn mi NSW ah an karh ngai tiin riantuantu hna nih thawng an thanh.
Cun, Monkeypox zawtnak a ngei mi minung pathum cu NSW an phan. Europe ram in a rak kir mi an si tiin riantuantu hna nih an chim.
Australia ramchung COVID-19 thawngpang a hmanungbik cu hi ka ah rel khawh a si.
Zarhli chung man loin tlangrai sii i chunh khawhnak cu ramkulhmi hna caah a Tasmania cozah nih a tawlrel. Sii chunhnak cu June 6 in a thok lai.
NSW, Victoria, Western Australia, South Australia le Queensland ramkulh ah a um mi pawl zong an GP sin le Sii dawr hna ah man loin tlangrai khamsii an i chun kho lai.
COVID-19 he pehtlaiin mi a hlengmi hna an um caah ralring tein nan um a herh an ti.
COVID-19 he pehtlaiin hlen a tongmi hi 6,415 leng an si. A phaisa fangin chim ahcun 1 millions leng a si lai.
Zawtnak I Chek Khawhnak Hmun hna
RAT in zawtnak an chek i positive na si sual cun hika ah theihternak tuah khawh a si.
