COVID-19: NSW Le Victoria Nih COVID Runvennak Zulhphung Cu An Hun Dorh Deuh Than Cang

Tuchun 20 April, Australia Ramchung COVID Thawngpang.

Close contacts of COVID-19 cases are no longer required to isolate for seven days in New South Wales and Victoria. But they need to follow certain rules. Source: AAP Image/Mick Tsikas

COVID-19 pulrai zawtnak a chawn mi an um len rih ko nain I runvennak zulhphung cheukhat cu dorh dingin biachahnak kan tuah cang tiin New South Wales ramkulh hruaitu Dominic Perrottet nih a chim.

Cawn ninga April 22, zaanlei nazi 6pm hnu in cun pulrai a chawn mi he naihniam in a umtthu mi pawl cu midang he I pheu le hmundang ah an I erh a hau ti lai lo tiin Mr Perrottet nih thawng a thanh.

Asinain, tarzohkhenhnak hmun, siizung, mi thlamtling lo umnak ti bantuk hmun biapi deuh pawl hna ah luhchuah nak nawl pek an si lo. Cung leiin nawl peknak a um lo cun tibia. Cu pin loah, nifatin te RATs hmangin zawtnak an ngeih le ngeih lo an I chek lengmang a hau lai.

Pulrai in a zaw mi hna he naihniam in a um tthu mi pawl cu leng an chuah tik poah ah hmaihuh an I hruk a hau. RATs hmangin zawtnak an I chek I ‘positive’ an si sual ahcun ni 7 chung an mah te lawngin an I erh a hau fawn lai. An inn chungkhar ah mi pakhat zawtnak a ngeih a si ah cun ni 7 chung I runvennak zulhphung an ser mi an zulh hrimhrim a hau lai.

Zawtnak a chawnmi he naihniam in a umtthu mi na si ahcun inn in rian na tuan dingin ah a tha. Cun, rian ngeitu kha theihternak na tuah a hau lai, asilole sianghngakchia na si ahcun saya/mah teh theihternak tuah hna. Atu bantuk I runvennak zulhphung ser piakmi tha tein an zulh ko ahcun an I erh a hau lai lo.

30 April 2022 in cun raikhamsii a chun lo mi pawl chungin khual a tlawng mi cu hawtal ah an I erh a hau ti lai lo. Nain, an phak le cangka, suimilam 24 chungah RATs hmangin zawtnak an I chek hrim a hau.

Atu lio rai Omicron hi ramkulh chungah a zor deuh ngai cang tiin ngandamnak lei vuanzi Martin Foley nih a chim. Raikhamsii a chawn mi a milu in tuak in an tam ngaingai cang ko caah COVID runvennak zulhphung cheukhat cu kan hloh cang hna lai tiin a chim chap.

Cawn ninga, 22 April zaanttim 11:59pm hnu in cun Victoria ramkulh mi leng an chuah tikah raikhamsii an I chunhnak certificate hmuhsak a hau ti lai lo. Cun, a dang zulhphung an thlenmi kan rak tial chap lai:

• Siangnaurun a cawng lio mi, tual leng pawl cu hmaihuh an I hruk peng a hau ti lai lo. Khual tlawnlennak le I dor chungnak hmun cun chaw dawr hna ah hmaihuh I hruk a hau ti lai lo.
• COVID-19 rai a chawn mi he naihniam in a umtthu mi pawl cu an I erh a hau ti lai lo. Inn chung tlawnlennak hmun ah an um thut ding a si cun hmaihuh an I hruk a hau lai. Cun, ni 7 chung pehzulh tein zawtnak an ngeih le ngeih lo RATs hmangin an I chek a hau lai.
• An riantuannak le an pawngkam mi hna kha theihternak an tuah hna a hau lai.
• Raikhamsii a chun lo mi zong erhkhumhak ah um ti loin khual an tlawng kho cang lai.

COVID-19 raikhamsii kong cu na nuhrin holh in rel khawh a si

---

Zawtnak I Chek Khawhnak Hmun hna

ACT   New South Wales   Northern Territory Queensland

South Australia   Tasmania    Victoria   Western Australia

---

 RAT in zawtnak an chek i positive na si sual cun hika ah theihternak tuah khawh a si.

ACT  New South Wales  Northern Territory  Queensland

South Australia  Tasmania   Victoria   Western Australia

---

SBS Coronavirus portal ah na nuhrin holh tein covid-19 kong rel khawh an si.